Bä ca Lawrence
Bä ca Lawrence cuh Dudongk’chang gui gunghtoh gui ca Bä ca k’chang tumat ah kya ci. Ani cuh Roma mang-go ung ka Deacon tumat ah kya ci. Ahteintaw ah khohtang gui ngänm’htei gui khai ami tha ah kya ci.
Kum (1507) ung Papa Shangpughang Sixtus (II) nak lak Bä ca Calistus ni ah ani phuhngun ung Deacon (4) khangpughü kavai ngu ami pek pyi kon ah Lawrence cuh Boiyesu ah shihla pyantham nak ah m’yaik gui cuh yoi neh Dudongk’chang gui awng petak gui ci.
Roma mang-go ung om ca ahteintaw ah khohtang gui cuh ani ah ak’tha lo vai ah pyein hleih Dudongk’chang gui khak pui gui neh ta shin gui nei ahteinthaw ah khohtang gui ci neh ahmuh. A cun ung Shanpughang cuh akyahma ah m’lungshe lo neh Bä ca Lawence cuh akhapi ah dudei nak awng ami ngon vai ak’chang gui phan gui ci.
Cun ung Bä ca Lawrence cuh ahlui hluh pe u neh meicak gui ung ami taik vai ah Shangpughang noh aphan gui. Bä ca Lawrence cuh Shangpughang lam ah ng’hlak neh ta gaih pui neh ka kyä vang hngin lo pi ci. vang na m’hlah tu ba vä ci ci.
Bä ca Lawrence cuh kä shih pha ung Roma mang-go a ng’thongng’hlat lo vai ah shu shan shuit ci. Bä ca Lawrence ah ang’phuh nak ung Basilica phayacong nu cuh co ci gui.
