Bä ca Dominic
Bä ca Dominic cuh kum (1170), spain ghung kho, Caleruega Mang-go ung ng’tui om lo tu ci. Ani cuh Boiphaya tumat ah kya lo neh Awsima Mang-go ung om ca Cathedral ung khanpughü ah bi,bi ci.
Kum (1204) kum ung k’chang tumat ng’thongng’hlak khai ah m’theim’cäi hinging ci. Bä ca Dominic cun htithein ca m’lungngaih om neh ni ca Boiphaya tumat ah kya ci. Pyeinhtit ghung khaw ahtum lam ah om ca pathak’chang gui ami ng’thongng’hlak ba vai ah acu ah ami tuih.
Ani ah nik ca lam m’shüm nak lak bi loh nak ung k’changda cuh Catholic pahtak’chang ah kya lo tu ba ci gui. Khonget ah totap nak kya ci gui chühlo ba ca Yahteih gui awn khim ah kä kya e ne nik ca m’lung awng nami ng’pyanng’tam vai ci ah m’htei gui ci.
Bä ca dominic cuh apo Boiphaya gui am Deidous ci ah Mang-go ah hteih neh Pareticadoum ciah ng’htawi cuh m’duh ci. A cun ung om ca Boiphaya gui cuh Nikca Ca gui ng’theing’thang tu u neh Khanpughü ah monglam thähla ci gui. Acun ah ng’htawi cuh Kum (1216) ung ami m’duh.
Nu maria ung Yihei Upa neh Citputi khei neh shushan nak cuh Bä ca Dominic noh atuin lo ma ah kya ci. Kum (1217) kum ung Nu Maria Khanmopi ah akhai nak khok’hngüp ung ani cuh Dominican ng’htawi tumat ah ami duih ah ung Bä ca Dominic noh Ka ah nik ca m’shim’cang gui cuh kä thup e neh nami phuphang vai neh ci nak gui ci.
Bä ca Dominic cuh akho kum (52) .kum ( 1221) ung Polona mang-go ah shih ca kya ci.
