A k’hmó ung-kah, khaw-’nget k’täm ci.

Báwi lah a-hlu-läk gùi cuh, k’chàng ng’bum gùi täng-ah ami lo zah ung k’chàng tumat a mà-ah lo neh m’khuk-dàwng neh “Báwi aw, ka htá nak’chü-hngà-èi tu-ä. Mãng-tak neh zái k’hma ci. A i-ah kia hleih ci ung Mei, Tui ni ung a khaw-ng’däih ah lut ci. Na-hlu-läk gùi-ah hteh püi-ah hleih phih, ngamí nawh kä m’gái bà hnging ci gùi” ci ci. Jesu nawh phih, “Zùmnák kä khäng neh líng gái ci ni-ah htá ng’sòn gùi aw, a  i güt-ah, ka ning om püi gùi ät vai ang? A-i güt ka ning k’äih gùi vai ang?” ci nehtah ani àm, “a k’hmó cuh, lo püi-ä” ci ci. Jesu nawh khaw-’nget cuh, k’täm chü-tah cun-ah k’hmó ung-kah lut lo hleih a k’hmó cuh, a k’tén-ah gái bà ci.

Cun kon-ah, hlu-läk gùi nawh Jesu, düm-ah k’et u neh “A i-ah kia hleih ani, kä kami k’täm hnging ci ang?,” ci neh ng’si ci gùi. Jesu nawh phih, ngami àm “Nangmi ung zùmnák kèn hleih néi. Nangmi àm, a k’càng ah ka piéin cuh, nangmi ung zùmnák  an htá-ùi teih düit  a om  ung phih, sin-ah khàw m’htung am, ‘sin-ung-kah, cein  ung ng’nawhn nä,’ nami ci ung  ng’nawhn khai. Nangmí nawh kä nami m’chüt, a i kä om khai. Sin-a hlonak ci cuh k’tài-güi nák lah, ei hloi nák-awn vah k’täm hnging” ci ci.