Mindat K’taigü mang kho ung om ca Bawiphaya gui ng’bum ci gui.
Mindat K’taigü mang kho ung om neh Khanpughi ah bi bi ci gui ah K’taigü Mang Augustine Thang Zawm Hung noh khong mang hleih Bawiphaya gui m’ku-lei-hma cuh Lukse ah St. John Mary Vianney ah poi bi vai ah a cu k’hngüp ung ng’bum lo u neh k’hngüp coih k’taigü u neh tah mühngün täng a ng’geishoi nak bi ci gui ah kya ci. K’taigü Mang Augustine noh a m’cäi nak gui ung, ” Bä ca John Mary Vianney ah Khanpughi a läk nak ung a k’tung pi ah a pyein hlak nak, a yum nak cuh, Khanpughi ah chüm’gein nak, Bawi ah shihla Sacrementu lah k’taigü nak among gui ah kya ci” ci neh pyein ci. A cun gui cuh mi thei bang tu vai hlü ci a mong cuh pyein ci.
Msgr. John Om Se noh ng’thu k’ni a pyein nak ung, “Bä ca John Mary Vianney cuh düp a om ci. A m’lung m’nem ci. A cun gui mi thei läk tu vai khin ci.” ci neh pyein ci. Missa gänap nak on k’taigü nak cuh m’chüp neh bi ci gui. K’taigü nak ng’pyi lo hleih Mindat Diocese ung bi vai gui yah hmo gui ah ng’thei ng’tham nak lam gui, k’chang gui gung htot nak vai gui, Khanpughi ah mong lam bi vai gui among cuh ng’gei ng’shoi neh ng’tha ci gui.
Mü ei ei nak on a cuh na St. John Mary Vianney ah poi cuh bi ci gui ah kya ci. Cun kon ah K’taigü Mang Augustine cuh Bawiphaya a m’shah noh hnguh neh ng’tha pi ci gui.
