Bӓ ca Martha

Bӓ ca Martha  cuh ng’lami thein ah htahtana noh am’hlumtai ah kya ci. Ani cuh Maria lah Lazaru ah ani pai ah kya ne Jeruslem Gonu pe Pethani ung om ci ah kya ci. Angmi cuh BoiYesu noh Yei nah gui neh ashӓnshӓn om tu ci.  

Maria lah apai Martha ah Pigo,Bethany ah Lazaru cu Go ci.  Cun ah kya hleih a bè goi no cük ni ne “ Boi aw, na yei nak cu Go ci,’’ ci ne pyein ci goi. Yeisu no ngya ne cun ah goinak cu shihnak vai ah kӓ kya ci. Khanpughü ah Hta ah bӓnak a ng’dang vai ah phӓh ah kya ci,” ci ne pyein ci.ää

Yeisu noh Martha ni a na Maria ni, Lazarus ni, cu yeina guici. Ani a goi ah mong a ng’yak kon ah a omnak ah k’hngüp goi om bac ang ci.

Cun kon ah a hlulӓk gui am “Judea kho ah mi hteit ba mӓ ko,’’ ci ci. A hlulӓk gui no “ Boi aw, Judeu gui no Lung awng ning voi hlü ci gui. Cu ah na hteit ba mӓ khai mà,’’ ci ne pyein ci gui.

Yeisu a gok lo yah ung Lazarus a ng’phuhnak k’hngüp k’phli lo pyi hleih hmat ci.

Bethany Pigo cuh Jerusalem on mӓng goi hla ci. Un ah kya hleih Judea gui cu Martha Lah Maria ah ani bè ah mong ung omài tu goi vai ne lo ci gui. Yeisu a lo cuh Martha noh ng’ya neh Lam ah a na la tu ci. Maria cu im ah ngo ghüt ci. Martha no Yeisu am “ Nang Boi na om vai hlü ung ka bè kӓ shì khai hlü, A cunt u pang ah phih khanpughü ah na shaan phung cu khanpùghü no ning pe khai ah ka hmat ci,’’ ci hleih Yeisu no “ Na bè ghüng lo ba khai nei,” ci ci.

Cun kon nak Martha no phih “ Avan ah ghün lo banak k’hngüp a ghün lo tub a vai cuh ka hmat ci,” ci neh pyein ci.

Yeisu noh phih, “ Kei cuh ghünthohnak ah ka kyaci. Kei na yùm ci phùng tu shi tu lang pang neh phih ghüng khai. Kei na yum ghüng ci pӓng cun phih kӓ shi ng’nü khai.Cun ah ka k’chü na yum ci aw,” ci ne ng’shi hleih Martha noh, “ ka yum ci nei.Boi aw.Nang Boi cuh khom’dek ah kyum lo khai ah khanpùghü ah Htà, Khristu ah na kya ka yum ci,’’ ci neh pyein ci.

Yeisu cu kyap ci. Yeisu cuh hngӓk ba mӓ ne k’phuhnak ah gok ci. Yeisu noh “Lung k’pei k’hlet vӓ,” ci hleih ak’shi ah be Martha no “ Boi aw,thu pyi khai.A shihnak k’hngüp k’phli lo pyi ci,’’ ci ci. Yeisu noh “na yum ung khanpughi ah bӓnak na hngu khai, ci nak ci. Apa khanpughi m’tamkat nak bi ci.Cun on ah a ng;khai ah “ Lazaru aw,Lut law,” ci ne chü ci. A cu vai am shi ci cu a kutkho ng;tom yih no pin hleih a hmai phih hlam no pin hleih lut lo ci. Yeisu noh , “k’phyan tu pe vӓ.Hteit hlӓ,” ci ci.

Cun kon ah Maria lӓk lo tu ci gui ah Judeu gui a k’da no a bi hngu tu u nahta Bói yùm ci gùi.