Bӓ ca Maria Magdalena
Bӓ ca maria Magdalena cuh hteithein k’chàng ah kya neh khokumpha kӓ pha hleih ng’tuiom lo tu ci. Bӓ ca Maria Magdalena cuh Martha lah Lazaru ni ah ani be ,ani pai ah kya neh katmah ci ah ang’mingthang neh khok’nget k’chüih no aom nak ah kya ci. “ Khok’nget gui lah gopainak ungka ak’phyon ba gui ah k’hngumi gui ni, khok’nget k’chüih no a chan ah Magdalena ci ah Maria ni (luka 8:2)
Maria cuh Juda kho pethani pigo ung ah kya te ci cuh Galile ung ng’thongng’hlat lo neh Magdalena ah a vannoh ami hmat. Boiyesu cuh Pharisi tumat ah im ah Ei a ei ah ung Boi ah khó cuh amiktui ng’hlüi awng m’shi pe neh Natu si ngui awng hluk pe ci.cun cuh Simon ah phӓh ah a I ah mӓ ta ayum vai ah kӓ kya hleih phi Boiyesu lӓ noh kat ak’da leng leng phyong nak gah ci noh m’hni thei pi ci, ci ah pyein ci.A cu k’hngüp ung leng neh Maria Magdalena cuh Boiyesu ah hlulӓk neh bi,bi ci gui ah ei,ok gui pyantam nak ung om tun eh,bi tu ci.
Maria cu ng’phuh lungkhui k’pung ah ng’düi ne kyap ci.Cun ah akya yah ung m’cimhngün k’kyong ah ng’htӓk neta k’khânhtapup k’hngih cuh abok hlui neh Yeisu m’shӓnnak yah ah lukung ah tumat,khokung ah tumat,ng oni hleih hngu ci.Ngani no, ‘’ k’hngumi aw,a I ah kya hleih nak yap ci ang’’ ci ni hleih ‘’ ka Bòi hteihpüi ci gui.A hoi ami tha phih kӓ ka hmat ci’’ ci ci.Cun ah pyein neta a hngu ah ng’hlat ne Yeisu ng’düi hleih hngu ci. Yeisu noh ‘’k’hngumi aw,a I ah kya hleih a kyap ci ang.A u na shui ci ang’’ ci hleih ng’vong m’tӓt ah ng’ngai ne “Nang phӓi hta, na lak ah a kya ung na thanak na k’hmuh tu ӓ.Ani cuh ka la khai,’’ ci ne ani am pyein ci.Yeisu noh “Maria aw,ci hleih k’shing ban eta “Boi aw,’’ ci ne pyein ci.A pyein hlui cuh “A ng’vai aw,” a ci. Yeisu noh “kӓ na k’pang ein n.A I ah kya hleih ci ung Kei cu Pa ah kӓ ka kai bap ha ci.Cun tu pang ah phih ka nà gui ah hteit ӓ. Ka Pa lah nami Pa,ka khanpùghü lah nami khanpughi ah ka kài khai ci ci,ci ne m’thein gui ӓ,’’ ci neh ani am pyein ci. Maria Magdalena cu Boi ah hlulӓk gui ah hteit ne “Boi ka hngu ghüt ci,’’ ci ne a m’cӓi gui phih m’thein gui ci. (Yohan 20: 11-18)
