Bӓ ca Bonaventure

Bӓ ca Bonaventure cuh Italy shungkho , Betnorecio ung ng’tuui ci. Ani cuh akhokum (22) ung Franciscan ng’tawi ung luh neh ang’ming phih  Yawhan ung ka noh yeikyai vai ah ma-lam ah ng’phlang ca Bonaventure ah ng’tong ci. Hnguhmat nak gui ang’pӓng ah ang’thu vai ah Paris Gonu ah ami tuih.

A cu nung Bӓ ca Thomas Aquinas awng ng’gei ci go. Bӓ ca Thomas Aquinas noh ahnguhmat nak ah ng’yung nak ng’sheit ci ta Christu k’tung hmuh mang ci. Amuihmai kyang neh hlaya neh ak’cum ah aom cuh amӓt ah pyein ng’lӓk ah ng’müim’cha lam yeikyai nak cuh k’chàng ah ng’müim’cha ung om ca Khânpùghì ah nibӓnak abӓ pa ah kya ci, ci ah apyein cuh abӓi  ah kya ci.

Ani cuh kum (1265) ung York Mnggo ah Sayataw ah kya lo ci.

 Kum (1273) ung Papa Shangpughang Gregory (10) nak noh Bonaventure cuh Cardinal  ah akya vai Roma ah ka ami tuih gui noh ami m’then.

Acun ah ami hteih yah ung Bonaventure cuh ei,ok nak gui ana m’shi lo hnguh ci gui.

Bonaventure cuh kum (1274)ung Council of Lyons ami bi ah ung shih ci. Bonaventure cuh khanpughi ah mong lam pyeinhlak m’theim’tang nak ung abiloh mah ah m’tawi neh hmuh ca Nikca Cardinal tumat ah kya ci.

Bӓ ca Bonaventure ashih kong ah kum (1588) ung Doctor of the church ci ah Papa Shangpughang Sixtus (V) nak noh htahtana ung ashä.