Papa Shangpughang-ah Ng’thu Angelus Ng’thu Shä Nak

          K’chang k’bä Peter lah Paul cuh kä täng nak gui-ah hngu-ah ka ät nak-ah müi cuh m’dang ci goi.

         June k’cha (29) k’hngüp-ung k’chang k’bä Peter lah Paul-ah hlu läk ng’shä goi-ah poi Angelus k’taigü nak-ung Papa Shangpughang noh Leo(14) noh yumtu ng’bum-ah kong ät nak-ah mong cuh ak’tung pi-ah pyein ci.

     Papa shangpughang noh Peter lah Paul cuh ani ghün om nak, ani bi loh hngün thoh, Khanpughü-ah chü thäm nak gui cuh ng’lak mah tu lang neh phih Hti theing ca Muh Khangpughü-ah bi a bi nak-awn tumat bäng-ah yum nak-ung ät te ci goi ci neh pyein ci.

     Hlu läk ng’shä ng’vai goi-ah Roma mang-ung Bawi Christu-ah ng’thu k’ni-ah phäh-ah ami ngon goi te  cuh ak’hlüng pi-ah k’gawng k’bäi nak-ah kia ne tuh gät chüt yumtu ng’bum-ah yum nak cuh k’tha pe ci-ah mong cuh pyein ci.

      Papa Shangpughang noh yumtu ng’bum-ung kä täng nak gui cuh kong ät nak gui cuh m’di khai-ah kä kia neh Hti theing ca Muh Khanpughü noh kä täng ca nib ä nak k’tha gui gui cuh tuamt bäng-ah kia ca yum nak-ah phäh-ah k’bum peit nak m’htoi peit nak-ah mong cuh pyein ci.

      Cun bäng-ah kä kia neh Christian gui-ah m’gawng k’bäi nak gui cuh aana a yat vai, k’chang uk nak vai-ah kä kia neh phan-ah om nak, kong ät nak lah ng’khawt ng’gei nak ba vai-ah akia vai-ah mong gui cuh k’hnga k’phlang ba gui ci.

       A k’hngu pi-ah Papa Shangpughang noh bä ca Peter lah Paul noh ng’lung ng’lah na neh ani na ng’hui ng’pa tu peit gui-awn kho m’dek pum-ung om ca yumtu ng’bum cuh kä täng ca pa k’khui, thum gui lah ng’thu ng’hta gui-ah ng’lak-ung kü lüüp kong ä nak cuh m’khün m’htek lo pi hti hlak neh dim kyäp nak lah ng’phäi ng’na gui-ah ng’lak-ung m’hngi yei nak cuh k’hlüm hnging vai-ah kia hlä ci neh k’taigü ci.