SSPX Nghtòi ung Sayataw k’chuk Vatican noh Excommunication pek ci.

June k’châ a khngüp gói nak ung Htahtana ah kpùng ah gok ci gui ah SSPX Nghtòi ngpài cuh Papa Shangpughang lah Vatican noh shä ci. June kchâ akhtük khngüp gé ung sayataw kthài kphlì lah ngami am pe ciah sayataw khngih mah ah kchuk cuh Catholic Htahtana on kä ngpak ba ciah sayataw gui ah kya neh ngami ah nghtòi cun phih nghtòi a ngtái tumat ah Papa Shangpughang Yung Vatican Kyòng ung ka noh hmat phya khai shä pyi ci. K’taigümâng ami gah nak mü ät bäng lo pha ciah sayataw kphlì cuh Boi Jesu noh a mdüih ah htahtana ah kchî lah khongmang ciah Papa Shangpughang ah kchi kä yum ba ci gui ah kya ci.
Ngami cun ah ami kya lo cuh AD(1962-1965) ah nglak ah Catholic Htahtana ung aktúng ah ami bi ah a khòmdek pum on ngphak ciah a(21) nak Second Vatican Council ah htahtana on nggûi hleih hteh vai ami pyeinpit kä yum ciah cun yah ung Catholic Sayataw Archbishop Marcel Lefebvre(1905-1991)ung ka noh AD(1970) ung mdüih ah SSPX Nghtòi gui ah kya ciah kya neh Papa Shangpùghang ah kbäínak kä gah neh sayataw kphli a taih ah phäh ah kya ci.
Cun ah Catholic Htahtana noh a bi läi cuh Boi Jesu noh a pyein ah
“‘Ngami ah kchî käh mi ngngaih ung htahtana am pyein ä.Htahtana ah pyein käh mi ngngaih ung yùmhêi ktû vai hlü ah phih kyai,kphlám lòk ci gui vai hlü ah phih kyai na thà gui vai” ciah kchî ah phäh ah kya ci.(Mt 18:17)