Bä ca Thomas
Bä ca Thomas cuh Boiyesu ah hluläkng’shä tumat ah kya ci. Ani cuh kum k’phaahtüh ung ng’tuiom lo tu ca kya ci. Cophlang k’chang gui lah müim’cu gui bilo k’chang gui ng’äm’htei ca Bä ca Thomas cuh Kalilei Gonu ung Dodaung ca kyongkui ung ka noh ng’tui lo ci.
Boiyesu Yei na neh Boiyesu ah k’chü ngai neh Boiyesu ah hluläk tu pang neh phih Boiyesu aghüng lo ba cuh kä hngu tu neh kä yum ci. Cung na kya hleih ng’ngaihng’shak ca Thomas ci ah ami hluin.
Yeisu a lo yah ung a hluläk gui ghaleigoi ungka Didimus ami ci ah Thomas cu ngami gui on kä om tu ät ci.a hngei a hluläk gui no “Boi kami hngu ba ci,” ci neh m;thein tu u hleih Thomas no ” A kut goi ung m’shi k’hma kä ka hnguh ung , m’shi k’hma ung ka kutpyang phih kä ka m’hluh ung, a ve phih kä ka k’poh ung kä ka yum khai nei” ci ne m’shang ba gui ci.
k’hngüp k’cheit ng’lakna chüta Yeisu ah a hluläk gui cuh Thomas mah ah ami k’kyong ah ng’üng ba mä ci gui.K’shoh khai u hleih phih Yeisu cu lut lo neh ngami ah ng’lung ah ng’düi neta “Dimkyäpnak no ning ompüi gui hlä,” ci ne pyein ci. Cun kon ah Thomas am pyein ne ”Na kutpyang shin ung m’hluh ne ka kut goi shih teng ä. Na kut na pe. Ka ve k’pok ä. Kä yum neh kä kya ä,” ci ci.
Thomas no “Ka Boi, ka khangpughi,” ci ne m’shang ba ci. Yeisu noh phih ” Kei na hngu neh naa yum ci.Kä na hngu lang neh phih yum ci gui cuh bä ci gui,” ci ne pyein ci. (Yohan 20 : 24-29)
