Akut khaw ng’gúng, a m’gái bà.

 Cun zah ung Jesu cuh, ng’hlè-ko ung ng’cùm neh a mät-ah pìgo-ah ng’kat lo bà te ci. A cun-ung, akut khaw ng’gúng hleih, ih phak ung ng’zän ci-ah k’chàng tumat, a mà-ah lo püi ci gùi. Jesu nawh phih, a ng’htéi-ah ami zùm cuh, hnguh nehtah a ng’gúng àm piéinneh “Ka htá aw, kä na ng’ä vai. Na kat gùi, ning k’chü k’hngà pi” ci hleih, k’Chü m’cäi k’süm gùi a m’sah nawh “sin nawh kat bi ci” ci neh ami m’lùng-àm ng’ngài ci gùi. Ami m’lùng-’ngaih hmat neh Jesu nawh be lo gùi neh “A i vai-ah, sin-ah kä ni ’ci-ah ng’khaw gùi nami m’lùng-àm nami ng’ngaih-tüh ci ang? ‘Na kat gùi ning  k’phión pi,’ ci lah ‘let lo neh m’khãn-ä’ ci, a i ng’hloi tu bà khai ang? K’Chàng-ah Htá nawh khaw m’dek ’khãn-ah, kat k’hlèh nák vai-ah, ã a säm, nami hmat vai-ah phäh-ah,” akut khaw ng’gúng-àm “cutah, let lo ä. Na ihnák ’kot neh na im-ah hteit bà ä” ci ci. A cun-ah ’chàng, a cun vai àm let lo neh a im-ah hteit bà ci. Ng’Bum tu te ci gùi nawh phih hnguh tu u neh a ng’htéi-ah cäi u neh sin hlok ã a k’däm, k’chàng-àm a péit-ah phäh-ah, Khãnpùghí cuh, zùm m’nài tu ci gùi.