Bä ca Aloysius gonzaga

k’Khmotho gui m’hteim’hta gui ca Bä ca Aloysius gonzaga cuh Kum (1578) Italy ghunkhaw Maatua ah pei ang’Buhng’mang k’chàng gui ah kya ca Gonzaga Imkyawngkhui ung ng’tüiom lo tu ci. Ani cuh aPa a ng’yahhlü ah om neh Gakap tumat a kya lo ci. Ng’Buhng’mang k’chàng gui a käni ah ami om gui cuh kä ng’yahlü neh Pahtataya ah m’theim’cä läh neh om ci.

Ani cuh Ei hloi Taigüi nak gui bilo neh amät noh amät phep neh ani pi ah om ci. A imkyong ah lung gui k’tha neh khawcoh ah tholo ba neh Lung gui ung m’khudaw neh suhshan ci. Khawse ah toktamp nak ung ah phyoung neh Htithein hleih aom hining vai ah amät noh amät pheh neh om ci.

Idia ghunkhaw ung om ca Boiphaya gui noh Khànpughi ah monglam ami bi ah ung ami buiot ah Yaicai genvai gui ami guk a Caup cuh phat tu neh ngami gui a hlo Khànpughi a Monglam abi tu hlü ah m’Lung om lo ci.

Apa noh maa na hleih phih Bä ca Aloysius gonzaga cuh Italy ung om ca Jesuit ng’htawi ung luh tu ci.

Kum (1591 ) ung PaletYoga ci ah Lei lo hleih acung nak m’nehm’oh k’chànggui am’htei tu gui hlü ah ani phih bünoh tu ci. Aloysius cuh akhokum (13) hta alo pha ung shi ci. Kä shi pha ung anu am ca am’kähnak ung ” Shin a ng’pai nak cuh Pakhànpughi ama ah mi ng’hnguh nak ba vai lampyan ba ah kya ci. Cun ah phäh kä k’thui ä. Shin ah ng’cha nak cuh khanmopi ah mi ng’hnguh ba vai ashän mi ng’chah ah kya ci.” ci ah pyein shüt ci.

Khom’dak khohtang gui cuh a iphih ak’sho kä om hining ci ah mong lah Khànpughi ah Shuiim ung vah khohtang k’tha vai ci ah m’theim’thang shuit ci.