“Catholic Private Hight School” cuh kawngyi pe ci gui.

Kyüh kyok ng’ä cä ng’tuk yah ung hmo gui ah ng’thei ng’tham vai gui cun phih ng’ngahtüh vai a kya ci. K’hmo gui cuh caa ami ng’thei ung vah bä khai cuh Catholic htahtana noh hnguh lo ci. Cun a kya hleih K’taigü mang noh khong mang hleih ami bi nak ung k’hmo gui kavai ng’ngah tüh neh bi lo a kya ci. A cun a bi loh nak cuh 14th June k’cha 2026 ung Msgr. John Om Se noh khawng mang hleih kyawngyi pe neh bi nak cuh Hilong St. Anthony ng’bumim ung kya ci. Grade 10, 11, 12 gui noh ami kai nak vai kyawngim cuh k’hmon nak lah kyawngyi pe nak cuh bi ci gui ah kya ci. Cun ng’pyi lo hleih k’pamihta gui ah Boarder lah k’hngumi hta gui ah Boarder cun phih kyawngyi pe nak bi ci gui. Mü hngün täng a Catholic Saya/ Sayama gui cuh Msgr. John Om Se noh k’thagui pe gui neh Minor k’pamihta gui cuh m’cäi gui neh ami k’tha nak vai ah pyein nak gui ci.