M’lung a läk vai among
Mik-ùi-ah phäh-ah mik-ùi, hà-ah phäh-ah hà, ci-ah k’chü nami ng’zák man ci. Kei nawh nangmi àm ka piéin cuh a k’sé, a k’sé awn kä thúng èin bà vä. A-u nawh boh, na k’pat ng’bèing a ning k’beh ung vãng täng, cun bà mä-ä. Na k’htù ning lák pe-hlü ci àm, na zih-khán phih lák hlak-ä. A u kù nawh boh, ning ’ka lû naneh m’khãn phia-ghà a ning m’hteh ung ani awn m’khãn phia-m’kù hteit tu-ä. Ning sàng ci àm, pé-ä. Ning pu lo ’ci àm phih, kä m’choh-èin-ä. Pó-k’chàng zèinák vai, chigà ú vai, ci cuh nami ng’zák tu man ci. Nangmí àm, ka piéin cuh, ‘nami chigà gùi, m’hni gùi vä. Ning ú gùi ci àm, a k’ní vai ci pe gùi vä. Ning ’kalu na gùi ci lah, kä càng-èin hleih nami thàng se ’khai-ah k’chü ci gùi kavai, k’tài-gü pe vä.
