Hti Theing ca Nu Maria-ah M’lung Poi

Hti Theing ca Nu Maria-ah m’lung poi cuh Lukse Parish Lukse yumtu ng’bum im-ung bi ci gui. A cun-ung Lukse-ung om ca Fr. Constantine Thang Aung Thang, Fr.Joseph Ki Khui Om, Fr. Sebastian Kho Gei Ghung ni noh Miksa gän ap ci gui. Nu Maria-ah hti theing ca m’lung poi cuh Lukse yumtu ng’bum im-ah poi-ah akia-ah hlo-ah St.Franciscan ma mah gui-ah ami om lo htük lo yah-ung ami laak te-ah ng’ming-ah phih kia ci.

Fr. Joseph Ki Khui Om noh ng’thu k’ni apyein nak-ung “ Caa yumtu ng’bum k’chang gui u kä om pha-ung m’thei m’thang tu khai gui-ah k’chang gui cuh Kanpetlet lam täng-ung ka noh Mangtat mango lam täng-ah lo u neh mangtat Mango cuh Bawi-ah bä pi ca ghui m’lung ci neh chü neh miksa gän ap u neh Lukse pigo-ung miksa ami gün ap lo htük yah-ung Nu Maria-ah hti theing pi ca m’lung-am m’ap neh gün ap te ci gui ci neh pyein ci.” Cun kon-ah Nu Maria cuh kat nak kä om tu lang pang ne phih vuuk nak gui cuh ak’khak bui awt ci-ah mong ni, Nu Maria cuh a thüi nak ak’däm gui cuh k’chüih lo ca among gui, cun-ah vuuk nak kat nak gui bui awt tu lang neh kat nak-ung kä gok-ein vai-ah aom hnging-ah mong ni a thüi nak gui cuh am’long k’kyong-ah düm hta-ah htin neh k’pung-ah kä k’plok ca mong gui cuh pyein ci.Cun-ah poi-ung Lukse parish-ung om ca yumtu ng’bum van lo tu u hleih Khanpughü cuh atäng m’tam ci gui ci-ah ng’thu ka mi ng’yak ci nei