Bä ca Anthony
Bä ca Anthony cuh PaduaMang-go ung ka kya ci. Ani cuh Boiphaya tumat ah phih kya neh k’hnguhmat k’chàng tumat kya ci. Dudok’chàng gui gunhtoh gui neh ngäm’htei gui ca, ang’mingthang ca Padua Mang-go ung ka Bä ca Anthony cuh kum (1195) kum ung Potuki ghun-khaw lispon Mang-go ung ng’tüi ca kya ci.
Ani cuh akhokum (15) alo ah ung Bä ca Augustine ah Yahteitng’htawi ung luhtu neh Nibänak on be helih ami biloh gui cuh ngu lo tu neh Bä ca k’chàng ah kya tu hlü ca am’lungngaih om lo ci. A cunung ka noh Afarica ah om ca Muslim gui ah hteih neh khânpuighi ah monglam m’theim’cäi tu gui khai ah ami tuih ah kya ci.
A cun kä sho pha hleih ani cuh akya ah Gopai natnak gah lo ci. Cukong ah Potuki ah lo ba neh acum lo nak tu ba ah htinpaw nu cuh lam hmaa neh ta Sicily ah gok ca kya ci. A cun ung Bä ca Anthony cuh Asisi Mang-go ah hteih neh ta Bä ca Francis awng k’hnguh ci goi.
U phih ni hleih kä hteihhtawn nak hti ah Flolia Yahteit Cong ung pakanm’she khai ah ami tha ah kya ci.Cun ka noh Bä ca Francis Yahteit ng’htawi lah Bä ca Dominic Yahteit ng’htawi ung ka gui Deacon ami gha nak ung Bä ca Anthony am khànpughi ah mong ami pyein tu hlak te anaui ah ami cäi vai ah pyein nak gui ci.
Cung kong ah Bä ca Anthony cuh Italy ah ami tüih. Ani ah ng’ipng’ä ca m’lungni aom hlu ah k’chàngk’dà noh ani cuh ng’ngai ci gui. Bä ca Anthony cuh akhokum(30) gok lo hleih Pagua Mang-go ung shi ci.
Bä ca Anthony hlu ah shuh san nak ong ami khoh tang maih ci gui phih kya ba ci gui. k’Thongkyum gui laoh ba ci gui. Sheit kat nak ung ah phiòng nak kya ci gui. Nat nak ung ah gei ba ci gui.
