Ad Limina Visit hteit ci gui ah M’va kho K’taigü Mang gui ah bi loh gui.
Kho-ngoi ah K’taigü Mâng Felix Lian Khen Thang cuh Santa Mar ung Missa khongmang gän ap neh m’cäinak pe gui neh Dicasteries ah hteit ci gui.
1. Pahta k’chang gui ah k’kyongkhui lah ghinlu K’taigü Mang Lucius Hre Kung noh Myanmar ung om ca Htahtana ah mong lam cuh Pahta Kchang K’kyongkhui Commission am mthein tu neh akhngu ah Dicastery am CBCM ah yeinak ah khoih-hngah nak pe ci.
2. A Ngkyüm ah Dämtàinak M’hlüngmtai vai Dicasyery ah htehnak K’taigü Mang Raymond Sum Lut Gam noh ghunkho ah mong lam gui m’thein gui ci. Ng’shi k’canak gui cuh akni ah m’shang gui neh hmatnak gui vai lah k’hnga k’phlang nak gui phih pe gui ci.
3.Caritas Ghunkhogui Yung ah htehnak K’taigü Mäng gui cuh Caritas Ghunkho gui ung ka noh yei na neh ami chü thäm gui ah kya ci. Sayataw gui lah Caritas Ghunkho gui ung bi ci gui cuh a kni ah hmat phya ca ng’gè ngshòi ci gui.Ng’gè ng’shoi nak ng’päng hleih k’hngüp eî èi ci gui.
4. Secretary General of Synod ah ami htehnak K’taigü Mang gui cuh Secretary General of Synod of Bishops yung ah hteit ci gui. K’taigü Mang John Saw Yaw Han noh Synod ah akhngupi ah pongpüi gui ah mong mthein gui ci. Ami bui chum gui cuh m’thein m’kan tu kyu ci gui. Sayataw gui cuh ni lam gui lah ng’phäi ng’nà k’chü vai hlü ah on k’thá peit nak gah ci gui.
Yumnak Doctrine phäh Dicastery ah htehnak K’hngüp yah ung Sayataw gui cuh yumnak Doctrine phäh Dicastery ah hteit ci gui. Sayataw Basilio Athai noh Myanmar ung om ciah Htahtana ah mong lam gui ca m’kai neh ng’shinak amshah gui cuh ng’khai hleih m’shang gui ci.
