Yum lo khai gui ka vai

. Asin gùi kavai bäng-ah kä kia ci. Ngamí-ah m’cäi m’theinák awn, kei na zùm lo khai gùi kavai mah-ah, ka sàng ci. Ka sàng ci, Pá aw, nang cuh, kei ung kei cuh, nang-ung, ni ät-a hlo-ah, ni k’ní ung ngami, ät u neh kei nà tüih lo-ah, a màwng, khàw m’dek nawh a zùm vai-ah kia ci. Ni ät-a hlo-ah, ami ät zop vai-ah na bä thángnák nà péit cuh, ka péit tu bà gùi.3 Nang nawh na tüih lo lah, kei nà m’hni-a hlo-ah, ngamí na m’hni gùi-ah a màwng cuh khaw m’dek nawh a hmat lo vai-a phäh-ah, kei ngamí ung nang mah-ah kei ung om neh ät zop u hlä. Pá aw, khaw m’dek kä om pha ung nà m’hni pi ci-ah kia hleih nà péit-ah bä thángnák, ami hnguh vai-ah, nà m’säm gùi cuh ka omnák ung ami om vai, ka ng’za hlü ci. Càng ci-ah Pá aw, khaw m’dek nawh kä ning hmat ci. Kei nawh ka ning hmat ci. Kei nà tüih lo cun phih sin gùi nawh hmat pi ci gùi. Nà m’hninák ngamí ung a om vai lah, kei phih ngamí ung ka om vai-ah, na ng’ming ka hmat hlak gùi pi. K’Däih neh phih ka hmat hlak gùi khai,” ci neh piéin ci.