Jesu ah k’taigü nak

Khaw m’dek k’khãn-ah kä ka om so khai. Ngamí tah khaw m’dek ’khãn-ah om so khai gùi. Nehtah kei cuh, nang-ah ka lo khai. Htí-théing ci-ah Pá aw, ni ät-a hlo-ah, na nà m’säm gùi ami ät tu vai-ah, na ng’ming ung m’ät gùi-ä. Ngamí awn ka om zah ung na ng’ming ung ka m’thei gùi ci. Kei àm na nà m’säm gùi cuh ka ghùng pi ci. M’Cäinák-ah piéin-a hlo-ah, m’htèi lam k’beh hlü gùih ci-ah a kon-ah, ngami gùi-ung-kah, a u phih kä dí ci. Tuh-bäih-tah, nang-ah ka lo ci. Ka zèi kiàinák, ngamí àm a k’bé-ah k’pai tu gùi vai neh khaw m’dek k’khãn-ah, sin gùi cuh, ka piéin ci. Na k’chü cuh, ngamí àm ka k’sòn gùi pi. Kei cuh, khaw m’dek lam-ah kä ka kia tu-a hlo-ah, ngamí phih khaw m’dek lam-ah kä kia tu u hleih ngamí cuh khaw m’dek nawh m’lùngnák gùi ci. Ngamí cuh, khaw m’dek ung-kah, na k’hmón gùi vai-ah kä ning san. Kat ung-kah, na k’phión gùi vai vah, ka ning sàng ci. Kei cuh, khaw m’dek kavai-ah, kä ka kia-a hlo-ah, ngami phih khaw m’dek kavai-ah kä kia ci gùi. A k’càng-ung, htí-théing hlak gùi-ä. Na k’chü cuh, càng htá lüng ci. Kei, khaw m’dek-ah nà tüih-a hlo-ah, kei nawh phih, ngami cuh, ka tüi gùi ci. 1Ngami cuh a k’càng ung ami htí-théing vai-ah, ngamí-a phäh-ah, ka mät ka m’htí m’théing ci.