Cun-a tah bä pí púi ci gùi, bi m’chüt khai.
Kei nami na hmat-ung, Ka Pá phih nami hmat khai. A tuh-bäih lèng neh, ani hmat neh nami hnguh lo pi ci.” Philip nawh, Báwi aw, Pá cuh, nà k’hmuh gùi ung zèi tu vai hlü,” a ci. Jesu nawh, ani àm a piéin cuh, “Tuh güt nangmí awn ka om lo tu ci. Kä nami na hmat ci ang, Philip aw? Kei na hnguh tu ci nawh Pá hnguh tu ci. Keimí àm, Pá na k’hmuh tu gùi-ä, ci neh a i-ah na piéin lo ci ang? Kei cuh, Pá ung Pá cun phih, kei ung a om cuh kä nami zùm ci ang? Ka piéin-ah k’chü gùi cun phih, ka mät-ah k’chü-ah kä kia ci. Kei ung ghing om ci-ah Pá mät nawh, bi gùi cuh, bi ci-ah kia ci. Kei cuh, Pá ung ka om, Pá cuh, kei ung a om cuh, zùm vä.Kä cun ung cun-ah bi gùi mät-ah phäh-ah zùm vä. Nangmí àm a k’càng-ah ka piéin cuh kei na zùm ci nawh ka bi-ah hlo bi law tu khai. Cun-a tah bä pí púi ci gùi, bi m’chüt khai. A i-ah kia hleih ci ung, Pá-ah ka hteit khai-ah kia ci. Pá cun phih Htá ung a bä tháng vai-ah phäh-ah, kei na ng’ming k’pha neh Pá-ah nami san k’bäít cuh, ka bi khai. Kei na ng’ming-k’phã neh tu mat kù nami nà san ung a cun-ah ka bi khai. 15 Kei nami nà m’hni ung ka m’cäi gùi cuh, ng’ngài vä.
