2025, September k’cha ung Bä ciah k’chang ah Kya lo ci goi ah Carlo Acutis lah Pier Giorgio Frassati

Papa Shangpughang Francis no Bä ciah k’chang ah Kya lo Khai goi ci ne a pyein ghüt ah hlo ah 2025 September k’cha 7 hngüp ung Papa Shangpughang Leo 14 noCarlo Acutis lah Pier Giorgio Frassati cu Bä ciah k’chang ah Kya lo ci goi ci ne khòmdek k’chang gui am thähla m’thei m’kan ciah Kyaci. Bä ciah Carlo Acutis (1991-2006) cu Boi Yesu ah a shihla thuuk hleih m’hngi yum ne Nu Maria cun phih a Kya ah üm nai ciah ah k’chang ah Kya ci. A ni cu Catholic yum nak gui ah kyom thang nak k’chang gui am a m’thei m’kan vai ah internet Mang ne Khom M’dek pum ung Boi Yesu ah a shihla a mong lah cäcat vai a mong lam gui a ni ah website ung guk ne m’dang ciah Kya ci. Tuhchü Digital chüt a k’ni ah Mang ne htitheing nak awn Boi Yesu ng’yung na ne ghün om vai ah k’ngak’phlang ciah Kya ci. A ni cu shi cancer awn a khokum 15 ung shi ciah Kya ci. A ni ah yai ca ne a m’neh gui cu Yumtu ng’bum lah Papa Shangpughang ka vai ah gänap ciah Kya ci. Pier Giorgio Frassati (1901–1925) cu duyai k’chang gui ka vai ah lang hta ciah k’taigü nak lah gunghtot nak ghü ne bi ciah k’chang ah Kya ci. A ni cu yeikyai ne om yum ne khom’htung ah kei yum ciah Kya ne a teihpüi gui am khom’htung k’khaan ah htitheing nak a mi shui vai ah a k’cum ah chüthäm gui ciah Kya ci. Catholic bi loh hngünthoh nak gui ung vunvai hngüntho tu ne goipyam ci gui ah om nak ah hteit ne ngami gui ung hlü ci gui phung ng’khai nak awn gunghtot tu gui ciah Kya ci. A ni cu a khokum 24 ung Polio nat nak awn shi ciah Kya ci.