Yèisu khòim ah ami hteihpüi.(luke- 2:22-32)
(luke- 2:22-32)
22 Cun kòn ah Moses ah mtheimcä̀i te ah htíthéing khai biinák ah khngǘp gok lo hleih a Nú lah a Pá no a khmó cu Jerusalem khò ah hteihpüi ni ne 23 ‘htá khtük kpámí gùi avan Kkhaanpùghǘ ah phäh ah htíthéing ci gùi’ ci ne Bói Kkhaanpùghǘ ah kchükhän ung a lo ah hlo ah Bói Kkhaanpùghǘ am gänàp neta 24 müüm òi khngih boh, Müüm bók khngih boh, tumat kù gänàp vai ci ah Bói Kkhaanpùghǘ ah kchükhän ung a lo ah hlo ah gänàp ci gùi. 25 Cun kòn ah Jerusalem ah Simeon ngmìngna ca kchààng tumat om ci. Cun ah kchààng cu ngshúnghngéi ne Kkhaanpùghǘ ngyungna ca kchààng ah kya ne Israel pákkhúi ah bǘiyèi vai gǜngkyo te ci. Muh Khtí no ani omna ci. 26 Bói Kkhaanpùghǘ ah Khrìstù kä a hnguh pha ung kä shì khai ci ah kchükhän cu Muh Kkhaanpùghǘ no ani am mdáng te ci ah kya ci. 27 Cun kòn ah ani cu Muh Kkhaanpùghǘ ah lam mshǜǜmnák on khòim ah hteit ne a Nú lah Pá no a khmó Yèisu cu ci màn ani bi vai ah phäh ah ani hteihpüi ci goi. 28 Simeon no Yèisu cu kpòm ne 29 Kkhaanpùghǘ ah bä̀nák gùi cu mtaam ne a pyéin cu “Bói o, na pyéin te ah hlo ah nà kchààng cu a kdììm ah ka shì hnging ci. 30-32 A i ah kya hleih cii ung Bói ah kchààng pákkhúi gùi phùng ami phyónnák hnging vai ah na tüih lo ah Yèisu Bói cu ka mik mät on ka hngu tu pyi ci,” ci ne pyéin ci.
