Cun ah(United Nations)Ghunkhò Nghtòi gui noh Christian kum 2008 December a 8 khngüp ung pyéin neh ami shä om ci. Recomendations of the United Nations (UN Forum) on minority issues (15-16 December 2008).Ghunkhò gui ah Nghtòi Ngkhóp UN noh pakkhúi k’yò gui ka vai pakkhúi kdäm gui noh ami läk vai ah ghunkhò ùk ci gui noh ami läk vai mòòng pyéin pit neh ami shä om ci. A kum tä hleih pakkhúi kdäm gui noh pakkhúi k’yô 50 htî amaih ah phäh lah acun ah hlo ah kä maih en ba vai ah kpoih ba ca pakkhúi k’yô gui ghun mhtéi nak vai phäh a phih kya ci. Pakkhúi k’yô gui ami maih nak ung aktúng pí ah kya ci cuh pakkhúi k’yô gui ca ngthêi nak ah kyòng gui ung ami kchî lah ca ami ngthêi tu ah phäh kya ci.

Culture

The post Kchò thùng 2 first appeared on RVA KCHO.

The post Kchò thùng 2 appeared first on RVA KCHO.

The post Kchò gui ah tum kkhōn first appeared on RVA KCHO.

The post Kchò gui ah tum kkhōn appeared first on RVA KCHO.

Pùmá gui,kkhúshû lâlèi mtung mtäng gui,ngthuyì gui,kchi kthúk gui akdá om ci.Cun kòn ah kcho gui noh ami läk khîn ah mcäi m’ä,mtheimthàng gui,lèi bêi ngtuk nkòi lo ung läk vai gui,goh ngshaih ngón phâ lo ung hmat vai gui läk vai gui ah thûm gui amät phäh phäh ah om ci. Cun gui ã maih eh vai mhtéi vai cuh kcho phung van ah màmòòng ah kya ci.A lam phäh phäh ah ghunkhò uk ca ngvái gui ah màmòòng ah phih kya ci. Kchò culture ciah pyéin ah mi nî kyòm,mi thùng-yò,mi ngthu ng’äi akdá amaih cuh mi mät ah kä thûkhat ah phäh ah kya ci.Ghunkhò uk ca a ngváih gui lah kcho gui khòngmàng ci gui ah a i kä mi hnguh hmat thêi ah phäh ah phih kya ci. A i ah akya ung phih Kchò thùng cuh mi mcùn mdòn mi hngu hmat ba neh mdek ah kkhân ah chà tu hngá ca pakkhúi ah ahei pakkhui gui on ngteih ngcoih tu vai cuh mi van ah màmòòng ah kya ci.Cun bäng ah kä kya neh kchàng pakkhúi gui ngmùi mchà hlu lah ah khòngmàng ca Christian,Hindu,Islam gui ah màmòòng ah phih kya ci.

Ngmùi mchà hlu lam ah khòngmàng ci gui noh kchàng pakkhúi gui ah thùng-yò ni kyóm nak kä hmat thêi neh ami mthêimthàng ah akya ung dí maih tu düt khai kya ci. Tuhchü Mindat,Kanpetlet,Paletwa lah Kbatû Manggò hne ung om ca Kchò gui aktúng pí ah Mindat,Kanpetlet ung om ci gui Kcho kchî kä pyéin ba hlü u neh kcho thùng akdá amaih lo yop cuh a i ah phäh ang?Ngmùi mchà hlû khòngmàng ci gui ah kya ca Budha,Christian gui noh thùng kä hngu hmat neh ami mtheimthang gui cuh hnguh hnging ah kya ci. Christian mshah gui noh kcho gui ah shämko biloh gui cuh khò ngyò khò kshé ah om nak ciah mêi on mkhih neh tu payak yak neh ami mdí ghoh gui cuh u kä va ngshi ung phih mi hmat yop ca kya ci.Akcàng ah Bói Jesu noh a mthêimthàng nak ung kchàng pakkhúi gui ah thúng thûm gui mdí vai ah a pyéin tumat phih kä om ci.

Mi Kcho pùghí pà ah thùng on täng ca(Old Testament)Ngthû Kphyìm ung om ci gui cuh Bói Jesu noh she ca kä pyéin ci.Ni ciah vah pyéin ci.Acun ah ni ca ngthû kphyìm cuh ni púi khai ah ka kbé khai ci ci. (Mateu:5-17)ung mcäì gui kä mdí khai ah ka lo ca kä kya ci. Ka mdí khai ah ka lo ca kä kya neh ka ngkyüm ngbé hlak khai ka lo ciah va kya ci.Kcê ngshä gui ah pyéin gui lah ami mcäi gui ka mdí khmaih khai ah kä ka lo ci.Kä mdí khmaih en neh ka kbé khai ah ka lo ci ciah vah Bói Jesu pang hngô noh pyéin ci. I hlok púi ah kdäih neh a mthêi (Mateu:5-18)ung nangmi am akcàng ah ka pyéin cuh kkhânmòpí lah khomdek a maih ung phih kei ah kchî kä maih khai.Cun ah kya hleih shin ah mcäì nak ung kah ca nglung ät ngmà ät hta phih mdí ca kchàng cuh kkhânmòpí ah ak’yô knà pí ah kya khai.

Acun ah mcäì ca nglung ät ngmà ät hta düt phih läk khenggeng neh kchàng hei gui am phih läk hlak ci cuh kkhânmòpí ah akbä ah thà ah kya khai.”Bói Jesu khòmdek ah kkhân ah kyum lo neh kchàng gui ah biloh,shämkò,ngthu kchi mdí khai ah kä kya ci.Kchàng ah mlùng ung om ca kä ni ca mlùng khngà ngah-tüh gui vah pyàng khai ah lo ca kya ci. Kä ni ca mlùng khngà ngah-tüh ci cuh mikmi kchò gui noh kä mgúk vai,kä hlê vai,kä ng’ú nggheih vai,kä plet vai ciah mi hloi yeh gui ah vah kya ci.Kchàng kä pluh kkheh vai,kchò gui ah ngpluh ngkheh cuh kä ni ciah mcäì gui cuh Bòi ah mthêi mcäì on atäng ah kya ci. Cun ah ni ca kchò thung cuh kä hmat neh pahta lam ung a nglat ah mthêi ah akya ung Bói Jesu yùm cun phih nglat khai ah kya ci.Cun ah kya hleih Kchò Thùng lah pahtâ yùm nak akní ah hmat neh ngpán khai ah läk cuh tuhchüh Catholic Htahtana noh a mthêi ah (Inculturation)on yùmnak akní ah mcoih neh läk thêi ah kya ci.

The post Pâhtâ gui lah thùng-yò first appeared on RVA KCHO.

The post Pâhtâ gui lah thùng-yò appeared first on RVA KCHO.

Kkhêi Ngthang Om ahngshòn khtù thoh ung mäNglìng Kyüì lah Nün Ghìngah ngphyék ba.Nglìng Kyüì lah Nün Ghing Kyüì Nün lah Ngthàng Hngá mvùi ktùng tûilì nehngmäí lo. Hngá Nglìng lah Hngá Nglòmâng thòn ngcoih hleihkkhúi shing hlùm pyùngneh ngthot ba. Ghìng pong htük ungngkhêi htung shämghùi cìng khngái ngthèhleih nák ei. Kkhá m’yä hlân ungngshòn gui shän neishúilè kphyâ ngnónghêi màn vü”Shing ah kchî nglung kphyìm gui on ngshòn htung pakkhúi ng’äî gui cuhakdâ pí noh kä hmat nehkchî kphyìm hmat ca kchàng apí noh vah hmat ca kya ci. Kchî a ngnéng on läi cuh ngbûngbäînak,yù ók,êi êi nak ung ami na akpyéin vü ah kya ci.

Cun tu pang phih acun ah a ngnéng ah kchí düt hngô on ngshòn htung pakkhúi pyéin ci kä om lo ba veih ci.Acun ah avan düt ung kya lo chütah hmat tu ba ci gui ngshikca neh gu thén neh kyòng kkài khmó gui am mthêi gui vai ah (Kchò Culure lah Literature)khòng màng neh bi ca Saya Om Päng noh Kkhòilung ung om ci gui ah ngshòng htung pakkhui gui ah a mòòng gui cuh ng’äî kphyìm gui on phih kyai,a ngnéng ah kchî on phih kya mà neh guthén lo netah ahei pìgò gui noh phih ami gukthén mtheimthang tu vai a thä hlà lo ah kya ci.

Culture

The post KChò Pakkhúi mòòng first appeared on RVA KCHO.

The post KChò Pakkhúi mòòng appeared first on RVA KCHO.

Cun kon-ah Bawi Yeisu cuh kho k’hngüp k’hli kyip suh shan nak lah kyün hloi nak gui cuh bi vai neh hla lai ma-ah hteit ci. Abi lo vai cuh khak khai-ah hmat neh ng’pyang tham ci. Kho k’hngüp k’phli kyip be lo hleih kho k’nget noh tawk tap vai neh gok lo neh ahlü hlü-ah cam neh hmong cang ci. Bawi Yeisu cuh apa Khanpughü-ah ang’yak hlü bäng cuh abi vai-ah m’lung hnga om ci. Bawi noh kho k’nget cuh k’täm neh hlot ci.

Yeisu Bawi cuh hla lai ma-ah kah lo ba neh galile kho avan-ung hteit neh ng’thu k’ni cuh m’thein m’kan gui ci. Bawi noh m’htung k’khan gui, tui long k’kam ghawi gui lah k’chang k’hli  ng’htoi neh ami ng’bum nak gui, ng’bum ng’tang nak im gui-ung m’thei m’kan gui ci.

Bawi Yeisu noh Khanmopi-ah gok nak vai lam gui, Khanmopi-ah mong gui lah Khanpughü-awn ng’pak hleih k’cheng neh cang ci gui cuh k’chang gui-am m’thein gui ci. Khanpughü noh k’chang gui am’hngi gui-ah mong lah kat mah k’chang gui a yei nak-ah mong cuh m’thein gui ci. Khanmopi-ah om ca k’chang gui cuh phan-ah k’chang gui-ah kä kia neh Khanpughü-ah hta k’hngu hta k’pa gui-ah ami kia-ah mong, Khanpughü-ah m’hngi nak cuh m’dang vai-ah hngun ghün om nak cuh om ca akia-ah mong, ngami cuh kä yei nak ci gui-ah k’chang gui cun phih yei na u neh m’gein u neh suh phih shan pe ci gui-ah mong, cawi gha ci gui lah go pai ci gui-ah k’khan-ah i hlo k’cha ami om ih te-awn teng neh m’cha m’lang nak gui cuh bi ci gui-ah mong cuh m’thein gui ci.

Bawi Yeisu noh ahlu läk gha lei goi m’düih neh ngami gui-awn atäng-ah om neh ani-ah mong m’thei m’kan khai gui-ah k’hlüm neh k’hmawh gui neh m’shi k’pio nak, ng’thu k’ni m’thei m’kan nak gui bi khai gui-ah ghü gui ci. Bawi noh m’neh m’awh nak thüi hlei nak, vuuk kat nak, shih nak gui cuh bui awt khai hmat tu lang neh apa Khanpuhgü-ah ng’yak hlü cuh m’htei neh läk ci.

The post Mopi Ghun Kho first appeared on RVA KCHO.

The post Mopi Ghun Kho appeared first on RVA KCHO.

Gó ngyung gûi pùihngan khum ngäi..Gó ngyung gui ahpùi hngan khum nehK’amlong nglêi Hlenngyung ghü ngäi..K’amlong Nglêi Hlenngyung yu gi nehMshì lah Kkyâng ahngyung hngün ung.Mshi lah Kkyang ahngyung yu gì nehMshílòng gui ahpùi khum ba..Mghílong gui ahpui hei khum nehMshigüng Nghai Gamngyung ghi baMshi lah Nghai Gamngyung hngün ungli hmon tu nehgi ghüt neh..Li hmon a tuk neihlak k’hloi a mhloihcun ung va ngpai ba ghüt neh. Tui nu tui htatui ngnü ghü nakghü hlo lo ci cong ah. Kho ngnü khò ngthangkho van päng nakkkhá Mhlet Ngling ahNghngän khak hleih. A nghngän co phih neikho phleh Ngling NgloPhúng lah òt kyumva kpha ci. Phunglong yuk ghung nehÓt k’hloi hngan mtät ciMah tu Ngthang Tüinu nak man.Nu on kchèi hlü no Kkyün lah Hngá Yò lah Ngthang colí tüì ci.Mhlet Nglìng kcé HngáMvùi kchèi a chánThüm Hlô mgù nglànu nak ba.Thüm Hlô Mgù nglànú on kchèi hlü nohkphyúng lah mcik uicung ei ci.Va kphyung ah cüh guiòi neh nghui nehphúng lah òt ahkyùm cüm ah.

Phung tuili ungka mvui khui nohka hngu ka mana kcung ci.Hngün läk k’hlòi ungka kchàng teng ba nohNäng Ghung lah Ma Ngthang ah hngang pong ci.Mvui khui htük noh mvùi na kcúng nehkchàng teng ma nohk’yung hngün k’hlümkkhá long yung ahding lo ba.Nú lòng yung ahnu kkhúi khò ahkong k’hlui yuk lòngyun na neh.Li kkhui kho lo neili kkha ngyung pangga nghlui hngan kholo nak man.”Shin ah ng’äî cuh Tuili Kcho kchàng gui ah ngshòng mòòng lah ngplon ghüi neh ami om nak ah khò nglêi gui hmat nak ah om mòòng ami ng’äî ah kya ci.Acun ah hlo ah Mkang K’ló gui,Kkhân Kchák gui,Dâi,Mkàng,Rungtu gui ah ami ng’äi gui phih om ci te a u noh kä ktäih ah akya ung ami ngshòòn mòòng kyum kya nak gui maih khai kya ci.Acun ah kya hleih RVA ung amòòng tumat ah thà neh taih lo ah kya ci..

The post Tuili Kchò gui ah mòòng first appeared on RVA KCHO.

The post Tuili Kchò gui ah mòòng appeared first on RVA KCHO.

Pyinnyâ akcàng cuh a i ang ciah mät noh mät ktäih mshùnak. kchàng täng täng ah nglak ah mlùng kní on nggèngpài nak gui ung ka noh gah hnging ah kya neh media ung ka noh gah lo ah amòòng amà akkhak ah a ngphlû nak ung ka noh kä gah hnging ah kya ci. Shin ah amòòng amà gui,pyéin hlak gui cuh akhngät kä mchüt hnging ah phuih kgih vai hlü ah kya lo neh mlùng khngà thetthòng hlak neh mlùng kkyòng ah om kya lo ca akhòtüì pèingléng athûshin nak tumat ah kya lo ci.Kchàng tumat lah tumat ngpòng ng’óp nak ung ngcét ngcam ci gui om tu pang hleih phih bä càng kyóm-htang ca ngpòng ng’óp nak gah ci gui.

Cung phih tuhchü kchàng gui on ngpòng ng’óp nak ung mät ah yùm ghükcêing hlü ung ghükcêing neh nong hlü ung nong hnging mòòng kthá pe ca internet ngpòng ng’óp nak on a hngün mi thung lo ci.Acun ah nì on kchàng gui cuh kchàng gui on ngpòng ng’òp nak lah akhòtüi khomdek on kä kä ngtòn ngyap neh cíngcì gui,tv gui lah kkoh ah phone gui ung phan gui on akcùm ah kä ngshông nak ung ngyung ca ana khâ neh thüî hlêi ngah-tüh nak gui om lo hlak ci.Tuhchü nghnguh nghmat nak gui cuh kchàng gui on nghnguh nghmat nak,mi mät ah hnguh hmat gui,akní lam mdáng ca amòòng kthài gui ngdô ngpéit mthong mhlài vai lah nggèi ngkhot nak pyân vai gungkumnak akdá cun phih hnguh hnging ah kya ci.

Cung phih akhngät amòòng kthài media gui cuh kchàng gui noh akcàng ah ami gah ah thüîhlêi yáicâ nak gui,kyih ng’ä nak gui,ahei gui ah yèikyài nak gui,ngami ah ahlühlü ah ami bùichúm gui kä mdáng neh ami m’yih gui hnguh ah kya ci.Acun ah amòòng lam gui ah phäh ah mi mhteih vai ah amòòng cuh amòòng kthài media gui cuh kchàng gui ah mlùng a thä hlà lo vai a bi hnging ah hlô ah media gui ah phäh ah kchàng gui ngpòng ng’óp nak ung kä yùmnak,mät hta bäng kpoih ba ah moòng mlùng ngngaih nak gui hnguh hnging ah kya ci.

Impact of Social media

The post Ngthukthài media gui ah nî lah shéit first appeared on RVA KCHO.

The post Ngthukthài media gui ah nî lah shéit appeared first on RVA KCHO.

Cun ah ng’äî cuh”Páihtalì ungcá ka khò kphyìmlèng ghüî vang. Bü ngtüì lo nehngshòn päng kkhêi nehng’äî shüm kong. Mshi kpyà hlói ungcá ka khò kphyìmlèng ghüî vang. Mshí ngshò lo mangshòn päng kkhêi nehng’äì shüm kong. Paihtali ungbü ngtüì lohlèigei phut khtùyih hlui lo.Mshì kpyà hlói ungmshí ngshò lo makhoitui nglung ka oi toi ei. Paihtali kkyüi li hei gí nehmshi kpya hloi ngthanghei hän neh. Pakan nyong ungyung khoakbü lo. Pupa mhtung ahkshei ah pupa mhtung ahngyung yu gì ghüt nehKyokka nglei laikho na nehshoiloi lung ngshanglung mshon lo. Shoiloi lung ngshanglung yu gì nehpungtong nganpahngan bü nehgèito vaiko khum lo neh. Geito vaikokhum lo nehUng Ywa KankiMung Ywa kankohlun lo nehkotcup hngün ahngyung nak ung.Koycup ktheghang nimanggo cáng cikhtükgo kkyóm ahngshong yah ung.Kotcup ku kyongmanggo khmoh nehdo bo lung ah mshon yah ungmshikoi lah hla kpèi pyein chei ni nehKcho lah mva ahnpai lo ung mä.

Kotcup gì nehmang gò hän nehmshigüng hloi longkhò nak ba. Mshi güng khlòi unglung yu gì nehkhmá nglei ngghèng longkhò na nehNglung lah ma ahkhtu phung pong püiMathet Nggheing longlung mshong nehNggheinglong gi nehma tui kkan nehkkhihmui k’ai yokho nak ba. Kkhihmui k’ai yolung yu gi nehmuitui go nglunghlun lo nehhmo long gan longhlun lo man. khmo long gan longlung yu gi nehlung kpyüng mhtai kpyüngngyung kkan lo nehhleileng k’am tai nikyon lo nehpughi mhtung kkyüihngan bü nehKchinu pyung ahui phu lo nehmhtai pai ktheih ah kkhanphyang lo. Pughi mhtung kkyüingyung khò vein lomgeli do hleihhlun lo man.Mgeli do hleihtui hlun lo nehkei hta ngyän äiyu kyò ba”Ng’äi cuh hla aih chütahkphlì ah kpai neh ka taih khai. Shin ah ma neh ka taih cuh Mvakho ah ka nohKchokho ah mi gok lo ka taih ah kya ci.Roman ca on van noh mi teng shüm mi hmat hngo khai hlü te. Cung phih Kcho gui ah mi ngyung nak akcang ah kya ca Mva Ca on phih mtói neh mi hmat tu vai ah ka taih ah kya ci.

The post Kchò ah ngtüî om lo nak first appeared on RVA KCHO.

The post Kchò ah ngtüî om lo nak appeared first on RVA KCHO.

      Ca leng nah k’chang gui noh Khanpughü-ah m’cäi nak gui ami lä hlu-ah Khanpugh gän ap nak cuh ana ak’bi vü ci gui-ah kia ci. Mikmi gui-am k’khanpughü noh ana peit gui-ah phäh-ah yei nak m’dang neh shüm hmat tu ba nak m’dang vai phäh, Khanpughü m’hngi nak m’dang vai phäh, Kat nak gui-ah phäh ng’yu ng’yawn nak ba m’dang nak vai phäh gän ap nak gui mi bi ci-ah kia ci.

      Ng’thu k’theing-ung Adam lah Eve-ah ani hta gui-ah kia ca Kina lah Ebel ni noh ani geit kaw-ah k’thui an tawng ng’mai gui ni ng’lung ma gui ni bawi me gui cuh mei-awn m’chih neh gän ap man ci goi.

Gän ap nak gui cuh Jew pa k’khui gui-ah thum-ung ak’cum-ah hnguh hnging-ah kia ci. Ngami noh ami geit ko nak-ung-ah ak’ni pi-ah ak theih pai cuh ng’bum im-ah lo püi ci gui-ah kia ci.Vai hlü-ung gän ap vai cuh tho hta, me hta, hlei hta-ah akia-ung k’taigü noh cun gui cuh ngon neh ashi-awn kho k’kyak cuh m’htei ci. Capyitui-ah akia-ung kho k’kyak shoi na neh ni ca m’htup gui-ah akia-ung mei-awn m’chih neh gän ap ci gui.

Joseph lah Maria noh ani gän ap tu vai-ah mün hta k’hngih lo pü neh Bawi Yeisu cuh gän ap ci goi. Khanpughü cuh gän ap nak gui-awn ayei tu nak gui om tu lang hleih phih kat nak gui m’gein neh ani-awn ät nak cuh ayan-ah hlo-ah am’hteng ba vai phäh kä ng’kyün ci. Theing thap khai-ah pyan tham nak kä gah neh kyüm be ca gän ap nak cuh kä bi hnging vai-ah kia ci. Caw kia hleih Bai Christu cuh kho m’dek khan-ah kyum lo neh amät noh amät gän mikmi ka vai na gän ap pe gui ci. Vang täng-ah pyein-ung Bawi cuh gän ap-ah khoh aphih kiai, gän ap khai-ah k’chang-ah phih kyai na om pe gui ca kia ci. Ani cuh Khanpughü-ah phih kyai k’chang-ah phih kyai kia nak cuh k’hngih lo ca kia hleih mopi lah kho m’dek cuh m’chum goi ca kia ci.John Baptister noh Khanpughü-ah hto hta ci neh chü ca kia ci. Bawi Christu noh kat nak-ah phäh om lo ca shih nak cuh amät-ah shi-awn m’shi neh na k’phyawn ci.

Adam cuh kat nak-ung agok vai-am tah Khanmopi k’shoh cuh Bawi Christu noh kä k’phyon ba pha chüt hleih ng’khai ca kia ci. Hti theing ca ng’mü m’cha gui cuh ng’güng neh om ci gui. Bawi noh shih neh ana k’phyon gui vai-am tah Khanpughü-awn atäng-ah om tu nak cuh hnguh ci gui-ah kia ci. Tuhchü mikmi gui cuh m’shi k’pho nak Secramentu mi gah tu-ung leng neh mi theing thap tupi ca kia ci.

The post Ng’Kyüm Be Ca Gän Ap Nak first appeared on RVA KCHO.

The post Ng’Kyüm Be Ca Gän Ap Nak appeared first on RVA KCHO.

Ami ng’äî hmat tu vai phäh ah ami mang shàn ah kchî nglung kphyìm amshah mi teng shüm ko.Avai hlü ahkchàng : kkhákpámi:líkhngûmí:kchéiom:nglênphàn ah kchàng:mganàkä nglôngchàng ca htá:pohtá kkethlèi:phúngamät bäng:a pa htungmhtéi:mcùm mhleihài:shípìvok goh:pôi vokài goh:ài thôA shin ah tuhchü kchî gui cuh ng’äî ung a i ah ami mang mi hmat ah akya ungng’äî gui cuh mi kshíng tu khai kya ci. Ng’äî tumat mi teng shüm ko.”Mvùi on ngyung shûi ungkéi htá hlèi lèng cä pyéin neh.Ngyung shûi lùm hleihk’amtâi ka khò phih ngngài vang.Phung on gò pyân lo ungkéi htá hlèi lèng cä pyéin ne. Mânggò phyah hleih k’amtâi ka khò phih ngngài vang.Ngyung nú lùm hleihmvùi on shuk ah tûi güng hlèi kyòn ngdú na neh.

Khò lài ng’ä hleih phúng on gò pyân kyok khäghäng ka lái gui ngmüng.Phih lòng ngthàng omngakhum,mvâm khmòikhò ngshông ka khòyu ng’ä ci. Gêishang,m’yòng tûimúi khmòi khò kkoknú ngyung ka thùilah gàm päng.Ng’âikhùi tàngtûimshishing,vahuíkhò päng dá cishi yah phihShé khong,ngmin khmòingung ngjlih pàng ungngkhum ngphein ne màngghüî netah.Khò kphyìm thòng nehnglêi kcá leh nehhtum mòng mgäí còom lo ni.Htum mòòng mgäí ahom lo htük ungkkhìng yih akphyìm ah mhûi lo.Kkhìng yih mhlûi nehngyó yih mhlûi nehngyó yih yái nehshòlòi shûm mgùah mkâi mà. Mcùmvèing dó kyüìhlih ghùng nglòi bókcun on nú khòhnngan mtäp lo.

Nghài ùi nglìng nehkphlak gò géitngshòn ah pyéin bavai ngói ahKàlà shangpâingyó yih na nehkhmò lùm lung onkòi ngoh nehKyèicè kkhong nehmongnú tumólan hlêi hnget lí bi lo. Phùt khtù hlùi nehthàlói kkot nehhtum mòng mgäí coom lo ni. Htum mòòng mgäí ahom lo htük ungkkhìng yih akphyìmah mhlûi lo.Kkhìng yih mhlûi nehngyóyih yài nehshòilòi shûm mgùah mkâi ma.”Ng’äî kphyìm gui bäng ah kä kya neh tuhchü htahtana noh a guk ahKkhânpùghì ah ngthû lahphàyà ng’äî gui ung phihkchî kphìm gui mang ah kya neh mi van noh mi hmat vai hlü ci.

Culture

The post Kchò kchî kphyìm lah ngthûkní first appeared on RVA KCHO.

The post Kchò kchî kphyìm lah ngthûkní appeared first on RVA KCHO.