PAPASHANGPUGHANG - RVA KCHO

Boi Yesu ah a hluhngün ung bi bi ciah Papa Shangpughang ah Aanaa

Mindat Chin RVA — Sat, 17 May 2025 05:54:41 +0000

***************************************************************************************

Boi Jesu no yumtu k’bum a coh ghüt cu k’chang gui a van khanmopi lam ung ka k’kheishoh en ne a k’ni ah a mi gok hnging vai ah phäh ah a coh ah kya ci.

1. Papa Shangpughang cu Boi Jesu ah a hluhngün läk ciah kya hleih yumtu ng’bum ah hlüngtai ne ng’dang pi ciah khong mang k’chang tumat ah kya ci.

2. Boi Yesu no yumtu ng’bum m’düih ne, a cun ah yumtu ng’bum ah ghin nak ah mong ah phih kya ci.

3. Boi Yesu noh Khanmopi ah kä khai pha ung a hluläk k’chang ghaleigoi ung ka Simung Petru cu ghü ne khomdek ah khan ah hlüngtai ciah khong mang k’chang ah kya khai ah a k’hmoh ah kya ci.

4. Boi Yesu no bä ciah Petru am yumtu ng’bum ah hlüngtai pi ciah khong mang k’chang ah k’hmoh ne a ni bäng am aanaa gui a van a peit ghüt ah kya ci.

5. Yumtu ng’bum cu khomdek a maih ah chüt hleih a ng’däih ah m’hteng ne om khai ah kya hleih, Petru ah hluhngün läk ne bi bi khai gui ah Papa Shangpughang gui am phih a cun ah aa naa cu a peit gui ghüt ah kya aci.

6. A cun ah Boi Yesu no a peit kon ah Petru cu Roma maanggo ah hteit ne a cun ung ka no yumtu ng’bum teng khai ah a om nak vai co ciah kya ci.

7. Christu kum 42 ung ka no 68 a chüt hleih Petru cu Roma maanggo ung Taigü mang ah kya ne kya ne om ne ta a cun mät ung a mi ngon ah kya ci.

8. A cun ah kya hleih Roma maanggo ung Petru ah hluhngün läk ci gui cu hlüngtai pi ci gui ah yumtu ng’bum ah khong mang k’chang ah kya ci gui.

9. Papa Shangpughang cu kho m’dek ah khan ah hlüngtai pi ne a ng’ming thang pi ciah a kya ah hlo ah Boi Yesu mät no a peit ghüt ah aa naa cu a ni ung om ciah kya ci.

10 Khomdek bum ung om ciah yumtu k’chang gui am Khanpughi ah mong lam lah cang lam a k’ni ah m’thei m’cäi khai lah Sacramentu lam ung m’theing m’htaih khai, Khanmopi lam na m’shüm gui khai ah Boi Jesu no a peit ghüt ah aa naa cu mang ciah kya ci.

The post Boi Yesu ah a hluhngün ung bi bi ciah Papa Shangpughang ah Aanaa first appeared on RVA KCHO.

The post Boi Yesu ah a hluhngün ung bi bi ciah Papa Shangpughang ah Aanaa appeared first on RVA KCHO.

Papa Shangpughang Leo ⅪⅤ ung ka no hnguh hmat tu vai a mong gui

Mindat Chin RVA — Fri, 16 May 2025 05:52:11 +0000

*****************************************************************************

Catholic htahtana ung cang ciah gah vai aa naa cu mät no mät k’hmih ne bi bi ah kya ci.

1. Tuhngoi na k’pyon gui ciah Boi Yesu mi yum ah phäh ah Catholic yumtu k’chang a van awn a k’tung pi ah Cardinal lah Taigü mang, Taigü Boi gui am Yeikhai ne Khanpughi a mong na mi thähla vai ka ning chü gui ci.

2. A cun cu mi mi gui ah maapi k’bäih ne htingling tu pi ciah mission ah kya ci.

3. Yum nak cu ghinlu ah ng’phlan nak ah kya ci.

4. Yum nak kä om ung ghinlu ah ng’phlan nak cu kä om khai ah kya ci.

5. ghinlu ung Khanpughi a om ah kya ung mi mi ung khanpughi kä om hnging khai ah kya hleih a van kä ng’hmat ne mi om k’ih gui phih didam yop khai ah kya ci.

6. Boi Yesu cu k’chang düit tumat ah kä kya ci.

7. A ni cu Khanpughi ah hta k’pa tumat ah kya ci.

8. Cang lam ci cu k’chang gui ah ma phih kyai, k’chang shing tumat ah ma phih kyai m’dang vai hlü ci.

9. Yum nak cu Khanpughi ung ka no lo ciah letsawng tumat lam däm ciah mission ah kya ci.

10. Mi mi gui cu Petru ah hlo ah mi yum nak cu Khanpughi ung ka no mi gah tu vai om tu pang lang hleih phih mi ghinlu a thonghlah vai ah ma lam ah mi hteit khai ah kya cai.

11. Mi mi gui cu a k’tung pi ah Khanpughi ah ng’thu k’ni kä tä ne, pheng ne om ci gui ah hteit ne Khanpughi ah mong thähla vai ci ne yumtu ng’bum am Papa Shangoughang Leo ⅪⅤ no pyein ciah kya ci.

12. A cun ah kya ciah hngün gui cu nong vai ah kä kya ne, mission bi nak vai gui ah kya ci.

13. Tuhchüh, khom’dek pum no Khanpughi ah mong lam gui thäla vai ng’yak hlü ci.

14. A hngüptäi ghinlu ung ng’thong hlah vai ah bi bi loh vai hlü ci.

15. A k’hngu pi ah mi mi gui a van cu Papa Shangpughang ung ka no a k’hngüptäi hleih ng’thong hlah nak lam ung na chü khong gui khai ah kya ci.

16. Bi nak vai ah aa naa ci cu yumtu ng’bum ah khong mang k’chang gui no a mät no a mät a m’lung m’yo m’nem ne, yaica gein vai ne a ghinlu kä ng’chüih hleih thüihlei ne om ci gui ka vai ah Antioch maanggo ung ka bä ciah Ignatius ah hlu hläk tu hnging vai ah kya ci.

17 Catholic htahtana ung cang ciah bi nak vai aa naa cu mät no mät phep ne hlü ci gui am peit tak ne gunghtot gui vai ah kya ci.

The post Papa Shangpughang Leo ⅪⅤ ung ka no hnguh hmat tu vai a mong gui first appeared on RVA KCHO.

The post Papa Shangpughang Leo ⅪⅤ ung ka no hnguh hmat tu vai a mong gui appeared first on RVA KCHO.

Papa shangpughang Leo XIV a mong

Mindat Chin RVA — Thu, 08 May 2025 02:49:02 +0000

Khaw m’dek pum awn sheng ciah Catholic Christian yumtubum ah 267 nak Papa Shangpughang cu Amarican ung ka Cardinal Robert Francis Prevost ah kya ci.A ni a k’cang a ge ah a mi ghü cu lah Papa Shangpughang ah kya ci nei ci cuSt. Peter phaya kyawng khagä ung ka no kho m’dek k’chang gui am Latin k’chü awn a mi m’thein ah kya ci. Annuntio vobis gaudium:HABEMUS PAPAMEminentissimum ac reverendissimum Dominum Robertum FranciscumSanctae Romane Ecclesiae Cardinalem Prevostqui sibi nomen imposuit Leo XIV. A mi pyein cu mi mi cu Papa Shangpughang a k’thai mi gah ba ciah kya ci. A ni cu a ng’htei ah m’hlüng m’tai vai ah Cardinal Robert Francis Prevost kya ne Papa Shangpughang Leo 14 nak ah kya ci ci k’ci.A ni cu American khaw ung ah maapi k’bäih ne Papa Shangpughang ah kya ci.A ni no Papa Shangpughang ah kya lo ne maapi k’bäih ne kho m’dek k’chang gui am a pyein cu ng’kot ng’gei ne ät ciah yumtu ng’bum, taga nak lah diimgei nak awn a k’tung ah yumtu ng’bum kho mang khai ci cu pyein ciah kya ci. Papa shangpughang Francis ah bi loh mang gui phih k’däih ne bi khai pyein ciah kya ci.

Papa Shangpughang Leo XIV cu St. Augustine Religious Boiphaya ng’htoi ung ka kya ci. A ni cu yumtu ng’bum ung nga tu nga ne k’chang gui no a mi kyüh aa tu a pyein a mi ng’ngaih tu ah k’chang bä tu mat ah kya ne Latin Amarica ung om ciah Piru maamggo ung Khanpughi ah mong lam khokum k’sho thähla m’thei m’thang man ciah kya ci.Christu kum 1955, September k’cha 14 ung Chicaco maanggo ung a mi hta nak ah kya ci. A luh lo püi a phäi na k’hngih om ciah kya ci.A k’hmo yah ung a ghinlu cu a nu pa phäi na gui awn a täng ah om ne Vinislania manggo ng’pai ung om ne Augustine Boiphaya ng’htoi no a k’hmon ah kyawng ung ca ng’thei tu ciah kya ci.Christu kum 1977 ung Chicaco Augustine Boiphaya ng’htoi ung lut tu ne 1978 ung Religious Koyin tumat ah kya lo ci. Christu kum 1981 ung a ghinlu a van khanpughi am gänap nak ah Perpetual vow cu la ne Khanpughi a ma ah ng’gun ciah kya ci.A khokum 27 ung Roma maanggo ung om ciah St. Thomas tekkahto ung Cannon Law ng’thei tu ne Christu kum 1982 ung Roma maamggo ung Taigü Boi ah kya lo tu ci.Christu kum 1999 ung Augustine ah a ng’vai tumat ah kya lo ne Chicaco ung ngoh ciah kya ci.

The post Papa shangpughang Leo XIV a mong first appeared on RVA KCHO.

The post Papa shangpughang Leo XIV a mong appeared first on RVA KCHO.

Papa Shangpughang Gemelli seiyung ung ka no a om nak ah htet ba ci

Mindat Chin RVA — Sun, 23 Mar 2025 16:05:57 +0000

Papa Shangpughang Francis no tuhngoi Roma maanggo ung om ciah Gemelli seiyung m’kotlo ung ka no a pung ah ng’bum ne kih ci gui ah yumtu k’chang 3000 am kei ka vai na mi na k’taig peit ah phh ah na mi b ni ci ne pyein ne ta kongkyi pe gui ci.

The post Papa Shangpughang Gemelli seiyung ung ka no a om nak ah htet ba ci first appeared on RVA KCHO.

The post Papa Shangpughang Gemelli seiyung ung ka no a om nak ah htet ba ci appeared first on RVA KCHO.

Papa Shangpughang Francis ah Shanpughang ah a kya nak kum ghaleigoi a be nak hngüp

Mindat Chin RVA — Thu, 13 Mar 2025 08:52:33 +0000

Tuhshü kum 2025, March k’cha 13 hngüp cu Papa Shangpughang Francis ah Shanpughang ah a kya nak kum ghaleigoi a be nak hngüp ah kya ci. Papa Shangpughang Francis cu Christu kum 1936, December k’cha 17 ung Argentina ung ng’tüi ciah kya ne tuhshü kum 2025 ung a ni cu a khokum 88 be lo ciah kya ci. A ni cu Italian pakk’khui k’chang ah kya ne Jesuits Boiphaya ng’htoi un gung ka Boiphaya tumat ah phih kya ci. Catholic htahtana ung ngoiä shüm lä vai ah America continent lam ung ka maapi bäih ne Papa Shangpughang ah kya lo ciah kya ci.

Papa Shangpughang cu Christu kum 1967, December k’cha 13 ung Taigü Boi ah kya lo ne ta, Christu kum Christu kum 2013 ung Papa Shangpughang Benedict XVI ah ngoh nak do ne Papa Shangpughang ah kya lo tu ci. A ni cu Bä ciah Petru ah ngoh nak do ci gui ah Papa Shangpughang gui ung k’phya goi lah chuk kiplei chuk (266) nak ah Papa Shangpughang ah kya ci. Yumtu k’chang 1300 million khei ciah yumtu ng’bum ah Papa Shangpughang, Vatican Maanggo a vai pi ah kya ne Roma maanggo ah Taigü maang ah phih kya ciah Papa Shangpughang cu mi k’mi gui ah m’mü m’cha lam ah mi pa ah phih kya ci.

Papa Shangpughang Francia cu Papa Shangpughang ah a kya nak khokum ghaleigoi ah ng’lung ung Khaw m’dek ghunkhaw 60 ung Khanpughü ah mong lam gui thähla hnging ciah kya ci. A cun ah hlo ah Christu kum 2021 ung Muslim yum tu k’chang gui a daapi a mi om nak ah Iraq ghunkhaw ah hteit ne khaw m’dek om yum hei k’chang gui ah ng’lak ah phih m’hngi ng’kyu nak lah ät nak a om vai ah hteit hton ne bi lo ciah kya ci. A ni cu taga khai ah om vai, dudong ci gui gung gui vai, a khaw hei ah ng’plon ne om ci gui am ngami ung hlü ci gui gunghtot tu gui vai, Khotui pe ng’leng m’hei m’hta vai, Christian gui a van a ät lo vai ah ni na ne bi bi vai, kho m’dek pum ung diimkyäp nak a om vai ah bi bi vai ci gui a daa cu m’thei m’kan ne, a mät no maa ne bi bi ciah Papa Shangpughang tu mat ah kya ci.

Mi k’mi m’va khaw ung phih Christu kum 2017 ung gok lo ne Khanpughü ah m’hngi nak na m’dang gui ne Boi ah mong a thähla cu ngoiä chüt hleih shüm lä vai ah om khai ah kya ci. Tuhchü cu Papa Shangpughang Francis a kyä kä gai ciah kya hleih mi vai no shüm ba ne a ni ka vai k’tha na ne mi k’taigü pe ko. A Pa ni, Hta ni, Htitheiing ciah mu Khanpughü ah ghung m’htei nak awn Papa Shangpughang a kyä hla gai ba hlä.

Credit to Fr. John Htoi

The post Papa Shangpughang Francis ah Shanpughang ah a kya nak kum ghaleigoi a be nak hngüp first appeared on RVA KCHO.

The post Papa Shangpughang Francis ah Shanpughang ah a kya nak kum ghaleigoi a be nak hngüp appeared first on RVA KCHO.

Vam-neng nak hlu am kho-gam no a htintaw a di-dam vai ah bi loh ca kyaik ci.

Mindat Chin RVA — Tue, 11 Mar 2025 02:02:28 +0000

Vam-neng nak (envy) hlu am kho-gam no a htintaw a di-dam vai ah bi loh ca kyaik ci. A tuh chü phih khaw k’she khaw-gam no a htintaw a didam vai ah bi loh ci, Htitheng ca muh k’khanpughi no a htintaw a dimkyäp vai ah bi loh ci kyak ci ciah Papashangpughang no pyein ci. Ngüi-ghui khawh-tang gui äp neh mi ghun om-ah kya ung mi m’lung k’kyong ah vam-neng nak gui om hlak ciah kyak ci. Cun nah kyahleih, mik mi Christian gui cuh Bawi Yeisu mi äp vai hlü ki ciah Papashangpughang no na m’thei m’cä gui ci.

The post Vam-neng nak hlu am kho-gam no a htintaw a di-dam vai ah bi loh ca kyaik ci. first appeared on RVA KCHO.

The post Vam-neng nak hlu am kho-gam no a htintaw a di-dam vai ah bi loh ca kyaik ci. appeared first on RVA KCHO.

K’khanpughi no a k’cum ah na ghung na m’htei gui ci.

Mindat Chin RVA — Mon, 10 Mar 2025 02:59:18 +0000

K’khanpughi no mik mi gui cuh kä na nong gui düt ci. I ah kya hleih ci ung khanpughi no mik mi gui a k’cum ah na om pui gui neh na ghung na m’ htei gui ciah kyak ci. A cun ah kya hleih, khanpughi mi yum äp vai lah a ni ah a k’chüi m’cä gui mi ng’ ngaih vai hlüi ci ciah Papashangpughang no na m’htein m’ cä gui ci.

The post K’khanpughi no a k’cum ah na ghung na m’htei gui ci. first appeared on RVA KCHO.

The post K’khanpughi no a k’cum ah na ghung na m’htei gui ci. appeared first on RVA KCHO.

Bawi Yeisu ah m’lung k’kyong ah a k’be ah om ciah m’hni nak cuh mi huh vai ah mi shuishem ko.

Mindat Chin RVA — Sun, 09 Mar 2025 05:54:20 +0000

Bawi Yeisu ah m’ lung k’kyong ah a k’be ah om ciah m’hni nak cuh mi huh vai ah mi shuishem ko ciah Papashangpughang Francis no na m’thein m’cä gui ci. Mi yaica, mi gein-vai gui ni, mi kyih-kyok, mi ng’ä-ng’cä gui avan cuh Bawi Yeisu ah maa ah hteit neh mi m’htein tu vai ah kä mi kyüh en vai ciah pyein ci. A i ah kya hleih ci ung, mik mi k’chang gui a na m’hni ank gui am be ciah Bawi Yeisu ah ghui m’lung no yum äp ank, ng’ ngaih u nak na pe gui ciah kyak ci neh Papashangpughang no na m’htein m’cä gui ci. Mi hteihpui paw-k’chang mi hni tu htei vai ah Bawi Yeisu ah m’lung ung ka no mi ng’thei tu ko ciah pyein ci.

The post Bawi Yeisu ah m’lung k’kyong ah a k’be ah om ciah m’hni nak cuh mi huh vai ah mi shuishem ko. first appeared on RVA KCHO.

The post Bawi Yeisu ah m’lung k’kyong ah a k’be ah om ciah m’hni nak cuh mi huh vai ah mi shuishem ko. appeared first on RVA KCHO.

K’khanpughi ah hip-mhawih ciah m’lung noh ng’ngaih-u nak na pe gui ci.

Mindat Chin RVA — Sat, 08 Mar 2025 05:09:17 +0000

K’khangpughi ah hip-hmawih ciah m’lung noh ng’ngaih u nak a om vai ah mi m’lung k’shoh na k’hmong pe gui ci ciah Papashangpughang Francis no pyein ci. Cungkon ung, k’khangpughi ah hip-hmawi ciah m’lung mi hnu-hmat neh k’khangpughi ah hip-hmawi ciah m’lung mi thei tu neh mi läk tu hing vai ah Nu Maria no a na gung-tot tu gui vai phäh ah bü ceng neh na k’tai-güi pe gui ciah kyak ci. Paa ah m’hni nak on na hni gui ciah Bawi k’khangpughi no mik mi tu mat phih mi chük maih vai kä ng’ya hlük caih kyak ci ciah pyein ci.

The post K’khanpughi ah hip-mhawih ciah m’lung noh ng’ngaih-u nak na pe gui ci. first appeared on RVA KCHO.

The post K’khanpughi ah hip-mhawih ciah m’lung noh ng’ngaih-u nak na pe gui ci. appeared first on RVA KCHO.

Papashangpughang no a na m’thei m’cä gui ah mong

Mindat Chin RVA — Thu, 06 Mar 2025 10:34:01 +0000

Hmat nak thei cuh k’khanmopi gui-im a om ah mong m’dang nak ah kya ci ciah Papashangpughang no na m’thei m’ cä gui ci. A cun ah a pein nak ung mong k’hmaa ah m’chün neh na m’thei m’cä gui ci. A k’ma pi ah, Bawi Yeisu mi m’hni nak noh k’kyong-khui mi m’hni nak vai lam na m’shüm gui ci ciah a mong, a hih nak ung, shing m’kang k’tung mi koh vai ah mong, a k’thum nak ung,mät no mät gän-up neh ghünom nak ung kyüm be nak gah ah mong, a k’phli nak ung, ng’khai ng’ lang nak lah bawi ah bä nak hmat thei neh ghün om vai mong, a k’hmaa nak ung, Nu Maria ah ghünom nak mi läk tu neh mi ghün om vai ah mong gui pyein neh na m’thei m’cä gui ci.

The post Papashangpughang no a na m’thei m’cä gui ah mong first appeared on RVA KCHO.

The post Papashangpughang no a na m’thei m’cä gui ah mong appeared first on RVA KCHO.