Bӓ ca Hnery cuh ng’vai lo neh k’hngumi tu mat awng ng’chum tu ci goi. Cun phih ngani ung k’htahmo kӓ om tu ci. Akho kum (34) lo pha ca Henry cuh aPa ah hngün thung neh Shàngpughàng tu mat ah kya lo ci.

Bӓ ca Henry cuh Ahtinto ung pahtak’chàng gui ak’ni ah ami khongmang gui vai ah Bòi ah Bibik’chàng gui cuh chühlo gui ci. Ani ah ghungkho ung om ca kӓ ni ca k’chàng gui (k’chàng she gui ) cuh phyong nak pe gui ci.

Kum (1014) ung Shangpughang Henry cuh Papa Shangpughang Benedict (VIII) awng Roma ah ani hnguh ah ung Nibӓ nak awng be ca Shangpughang ah m’tamkhat nak kya ci.

Shangpughang Henry cuh Germany ung kano Roma ah ahteih nak ba ung alam pum ah

Khanpughi m’tam neh Shuhshan nak bi ci. Cun ah ahteih gü ah Panpat ci ah Manggo nu ung  Cathedral coh be gui ci.

Bӓ ca Henry cuh amӓt ah khohtang gui ung yeikyai nak kӓ shui neh Dudoungk’chàng gui peitak m’hteim’hta nak kon yeikyai nak shui ca kya ci.

Bӓ ca Benedict ah biloh gui cuh bang tu neh ani ung bӓ yei nak bi ci.

Ani cuh Gopai natnak kya lo neh kum (1024) ung Gottingen , Germany ung shih ci.

The post                     Bӓ ca Henry first appeared on RVA KCHO.

The post                     Bӓ ca Henry appeared first on RVA KCHO.

Khong’hngüph ӓt ung ayan hngu-hmat tu mang ci goi ah hngumi tumat a mong am’lung ung om khenggeng kai ah khonget noh toktapnak bi ci.A cun ung Bӓ ca Benedict cuh ng’hlin ah khan nak ng’le ghui ghui neh a mu pum shuhshan ci. M’muim’cha ah lembai gui cuh akyӓ ah lembai gui am gü ba hlak ci.

Ang’mingshe lo ca Komau Yahteih-gong ah uk khai ah chü u helih Bӓ ca Benedict noh am’lung am’yonem nak ong do ci. Ahtinling aik ah om vai gui kongmang hleih Bӓ ca Benedict cuh ami pluh kitlik vai ah k’thanak ci gui. K’chàngni cuh khânpùghì noh m’htei ca kya neh Bӓ ca Benedict noh Apa ni, ahtani la am’cu lah ta ami Sapyittui um cuh payah hleih ami pluh hmat lo ci.

Bӓ ca Benedict cuh khonget ah Toktapnak gui ak’da buiot lo neh cuh gui am’chutnӓng vai k’thanak hlu neh Kum (1530) ung supiaku nong e neh Motecasino ah Yahteih gong k’thai co ci. Taigü suhshan nak lah Bibi ci ah among goi cuh m’tawi neh bi ci.

Bӓ ca Benedict cuh akho kum ( 1548) ung shih ci.

Papa shàngpughang noh ani am Europian ngӓnm’tei ca Bӓ ca k’chàng ah shӓ ci.

The post                      Bӓ ca Benedict first appeared on RVA KCHO.

The post                      Bӓ ca Benedict appeared first on RVA KCHO.

Ani cuh kum (9) a lo ah ung aPa cuh m’thoh noh ci hlei shih ca kya ci. Anu noh Lai abi ah ung Maria Goretti cuh ak’hmogui ashӓm hlu ah anu cuh gun tu ci. Kum (1902) ung Alessandra ci ah k’pami tumat cuh Maria Goretti amӓthta bӓng aom hmat neh aim ah lushi ci.

Maria Goretti ah khàng ah sheihkat nak gui bi hlü hleih Maria Goretti noh “ shin ah na kya nak a ta na, n angon ung nit u ba khai ci neh akya. A cun ung Alessandra cuh m’lungshe lo neh Maria Goretti ah apang cuh khim on Daikneh dong ci.

Maria Goretti cuh Sei-im hteih pui neh ami m’tuim’hleih  te akhongawi ung shih ci. Maria Goretti cuh kӓ shih pha hta ung  ani ah Khàng ah sheikat nak bi ci ah Alessandra ah hmakat gui ka phyong ci nei ci ah Pyein shuit ci. Maria Goretti ung ashih ah ung kum (12) va lo pha ci.

Alessandra cuh kum (30) thawng chum u hleih Thawng gon ah aom ah ung Maria Goretti noh kheipai aboh gui pe lo ci, ci ah mikngu ci.

 Alessandra cuh ng’yung’yong ba neh Maria Goretti ah aNu ah hteih neh phyong na shang ci.

Papa Shàngpughang Pius (12) noh Maria Goretti ah anu ah maa mӓt ah Htihtien k’chàng tumat ah ahmüt ah mong cuh ahtintho biloh nak mang gui ung k’hngu hing ah kya ci.

Bӓ ca Maria Goretti ah shuhshang nak gui ung ah ak’tungpi ah “ Alessandra ” ng’thongng’hla lo cuh ak’dӓmpi ah tako tumat ah kya ci.

The post           Bӓ ca Maria Goretti first appeared on RVA KCHO.

The post           Bӓ ca Maria Goretti appeared first on RVA KCHO.

Boiyesu Yei na neh Boiyesu ah k’chü ngai neh Boiyesu ah hluläk tu pang neh phih Boiyesu aghüng lo ba cuh kä hngu tu neh kä yum ci. Cung na kya hleih ng’ngaihng’shak ca Thomas ci ah ami hluin.

Yeisu a lo yah ung a hluläk gui ghaleigoi ungka Didimus ami ci ah Thomas cu ngami gui on kä om tu ät ci.a hngei a hluläk gui no “Boi kami hngu ba ci,” ci neh m;thein tu u hleih Thomas no ” A kut goi ung m’shi k’hma kä ka hnguh ung , m’shi k’hma ung ka kutpyang phih kä ka m’hluh ung, a ve phih kä ka k’poh ung kä ka yum khai nei” ci ne m’shang ba gui ci.

k’hngüp k’cheit ng’lakna chüta Yeisu ah a hluläk gui cuh Thomas mah ah ami k’kyong ah ng’üng ba mä ci gui.K’shoh khai u hleih phih Yeisu cu lut lo neh ngami ah ng’lung ah ng’düi neta “Dimkyäpnak no ning ompüi gui hlä,” ci ne pyein ci. Cun kon ah Thomas am pyein ne ”Na kutpyang shin ung m’hluh ne ka kut goi shih teng ä. Na kut na pe. Ka ve k’pok ä. Kä yum neh kä kya ä,” ci ci.

Thomas no “Ka Boi, ka khangpughi,” ci ne m’shang ba ci. Yeisu noh phih ” Kei na hngu neh naa yum ci.Kä na hngu lang neh phih yum ci gui cuh bä ci gui,” ci ne pyein ci. (Yohan 20 : 24-29)

The post Bä ca Thomas first appeared on RVA KCHO.

The post Bä ca Thomas appeared first on RVA KCHO.

ci. Hluläkng’shä gui khongmang ca Bä ca Peitru cuh Pesaida ung ah Ngak’shui ah kya. BoiYesu noh achü

kon ah Mopi ah kaa m’dek ah khàng ah Khànpughi ah monglam cuh k’thähla ci.

Yesu no phih ” ka hngu ah na läk nä. k’chàng gui pha ca ka ning pyàng goi khai,” ci ci. (Maku 1:17)

Ngani cu ng’vài gui nong ghüt ni neh a k’ten ah a hngu ah läk ci goi. Sesaria Philipin ung Lung ciah

ang’ming phlang ca Petru ciah hlui ci gui.

Kei noh ka pyein cuh ” Nang cuh Peitru (lungk’po) ah na kya ci. Shin ah Lung k’po k’khang ah kei no ka

ng’bum Im (ät yop ca k’chàngng’bum) ka k’hlüm lo khai. Cun ah ng’bum Im cuh shihkho gui noh kä

m’chüt khai gui. (Mateiu 16:18)

khànmopi m’kot k’hmon-nak phih nang am ka ning pe khai. Nang no khawm’dek ah khan ah na khihkhon

gui phung cuh khànnmopi ah phih khihkhon tu ah kya khai. Khom’dek ah khan ah na k’phyan na chah gui

phung cuh khànnmopi ah phih k’phyanchah tu ah kya khai. ( Mateiu 16: 19)

Bä ca Paulu cuh Boiyesu kä yum ca Juu pak’khui k’chàng ah kya ci. Ani cuh Yumtuk’chàng gui avan läk neh

dudei, ngonpha nak bi ci. Damascus ah ak’hteih ah ung ng’hle ung ka noh ng’kyah ci. A cu ung

khànnmopi ah ka O tumat lo neh ta ” Saulu, saulu i ah kya hleih kei naa dudei nak ci ang? ci ah ng’ya ci.

Saulu cuh cäi neh nang U ang? ciah ng’shit hle ” Christian gui na ngong gui ah kei nei ” ciah Boi no

m’shang ba ci. Acun ung Saulu cuh amikmü hleh Ananias ah hteih hlak neh amik m’gei ba hlak ci. Saulu

cuh gai lo ba neh khànpughi ah monglam pyein hlak khai ah ng’thongng’hlak lo ci. Cun ka noh ani cuh

Paulu ah chü ah kya lo ci.

Bä ca Paulu lah Peitru cuh khànpughi ah monglam k’thähla pyeinhlak nak ani bi gü ah ani yum-nak ah

phäh ah ami ng’on goi ah kya ci. Anga ni ah Yumnak ah mong ani biloh hlu ah Yum tu k’chàng gui cuh

dämk’da lo pi hti ci gui.

The post Bä ca Paulu lah Petru first appeared on RVA KCHO.

The post Bä ca Paulu lah Petru appeared first on RVA KCHO.

Ani cuh ng’vai lo neh Kum (1925) Spain ghunkhaw ung Boiphaya tumat ah kya lo ci. Khânpughì ah chüm’ka läk neh Yumtuk’chàng gui cuh m’theim’cäi gui ci. Ani ah nik ca om-ih ni gui awng k’chàngda cuh Nibänak k’hmat lo tu u neh khâpughì cuh yumäp lo tu ci gui.

Bä ca JoseMaria cuh Biloh ni abi gü ah Kum(1928) ung Opus Dei ciah ng’htawi m’düh ci. Ani amo nak ah ghunkhaw avan ung (10000) lo ca k’chàngk’da noh ani läk tu ci gui.

Bä ca JoseMaria cuh Khànpughì ah mamong abi yah ung Jun 26, 1975 (Rome) ah shih ci. Bä ca JoseMaria cuh ashih kon ah kum (27) sho lo helih Papa Shàngpughàng John Paul II noh kum (2002 ) ung Bä ca k’chàng ah ak’hmüh. 

The post Bä ca Josemaría Escrivá first appeared on RVA KCHO.

The post Bä ca Josemaría Escrivá appeared first on RVA KCHO.

Bä ca Paulinus cuh kyomhtang ca kyutthen nak gui, ng’hnipng’ä ca m’lungni ak’tha gui lah k’chàng päng agun tu nak awng k’chàngda noh yeikyai nak ci gui ci ah Bä ca Jerome noh pyein man ci.

Ang’vaik’chàng ah kya ca aPa ah hgünthung neh Italy ghungkhaw, Spanish ghungkhaw lah French ghungkhaw gui ung ang’vaik’chàng ah kya lo ci.

Ani cuhTherasia ciah hngumi awng ng’chum ni neh kum (390) ung Aquitaine ciah ng’plong neh om ci goi. A cung ah Mang-Go ung Alpitose ciah Sayataw ah kutung m’shinak sacramentu la tu ci goi.

Htak’pa tumat gah tu te ci goi shih e hlä Bä ca Paulinus lah ak’chu cuh hteithein ca ghün om nak ung om ni neh ani khohtang gui yawitu neh k”Chàngdu gui awng pektak nak bi ci goi. Bä ca Paulinus cuh k’chàngda noh ng’yahhlü u hleih Basilona ung Boiphaya tumat ah ng’khan tu ci.

Bä ca Paulinus cuh ak’pogui awng Lepe,Pola ung om u neh Duyai ca k’chàng gui m’hteim’hta gui ci. Bä ca Felix cuh m’tamkhat nah guthein ci.

Bä ca Paulinus cuh k’chàngda noh Yeina u neh Pola Mang-Go ah Sayataw a ami hmoh. Bä ca Paulinus cuh K’chàng gui a nibänak gui abi ah ung Kum(431) ung shih ci.

The post Bä ca Paulinus first appeared on RVA KCHO.

The post Bä ca Paulinus appeared first on RVA KCHO.

Ani cuh Ei hloi Taigüi nak gui bilo neh amät noh amät phep neh ani pi ah om ci. A imkyong ah lung gui k’tha neh khawcoh ah tholo ba neh Lung gui ung m’khudaw neh suhshan ci. Khawse ah toktamp nak ung ah phyoung neh Htithein hleih aom hining vai ah amät noh amät pheh neh om ci.

Idia ghunkhaw ung om ca Boiphaya gui noh Khànpughi ah monglam ami bi ah ung ami buiot ah Yaicai genvai gui ami guk a Caup cuh phat tu neh ngami gui a hlo Khànpughi a Monglam abi tu hlü ah m’Lung om lo ci.

Apa noh maa na hleih phih Bä ca Aloysius gonzaga cuh Italy ung om ca Jesuit ng’htawi ung luh tu ci.

Kum (1591 ) ung PaletYoga ci ah Lei lo hleih acung nak m’nehm’oh k’chànggui am’htei tu gui hlü ah ani phih bünoh tu ci. Aloysius cuh akhokum (13) hta alo pha ung shi ci. Kä shi pha ung anu am ca am’kähnak ung ” Shin a ng’pai nak cuh Pakhànpughi ama ah mi ng’hnguh nak ba vai lampyan ba ah kya ci. Cun ah phäh kä k’thui ä. Shin ah ng’cha nak cuh khanmopi ah mi ng’hnguh ba vai ashän mi ng’chah ah kya ci.” ci ah pyein shüt ci.

Khom’dak khohtang gui cuh a iphih ak’sho kä om hining ci ah mong lah Khànpughi ah Shuiim ung vah khohtang k’tha vai ci ah m’theim’thang shuit ci.

The post Bä ca Aloysius gonzaga first appeared on RVA KCHO.

The post Bä ca Aloysius gonzaga appeared first on RVA KCHO.

A khokum (13) ung Paris ah om tu ci. kum (2) lo helih aim ah lo ba ci. Anu shit lo helih ami im ung mangmong nak neh bilo lok khai hlü lo ci.

Bä ca Emily ah aba noh ani cuh ceimah hlak hlü helih Bä ca Emily lah aba cuh ng’utuk nak om lo ci. Bä ca Emily cuh nikyom helih hlünhlak neh om hlü te ci, acun ah nikyom nak gui cuh Khânpughi am Düm a gänup ci.

Bä ca Emily cuh Khânpughi a m’yum-aa awng Htitheinca Muh ah Mikhngu gah ci. A cun ah Mikhngu nak ung BoiYeisu ah hmalim gui cuh Boiyesu noh a muh.

French Ghungkhaw ami pyantham ba ah ung Gaillac ah Kum (15) Bä ca Emily noh ak’hmohta gui bum gui neh Ca m’thei gui ci. Gawpai k’chàng gui cuh m’htei gui ci. Dudaw k’chàng gui phih Gu tu gui ci.

Kum (1832) kum ung Ami khohtang gui cuh Bä ca Emily ah aPughi noh ani awn apeit. A cun lah Bä ca Emily aPa a Im ung ka noh aphe htiet ci.

Akhotang aom gui phung Yawitu neh Imnu tumat ung ak’teihpü gui awn Nica bi gui bi ci gui. k’chathum sho lo helih Ami k’Taigü mang noh Bä ca Emily lah apo (12) cuh mamah gui ah ami kya vai dok’chang nak bi ci. Bä ca Emily noh khânpughi ah monglam k’thana neh abi lo nak ong St.Joseph ahtinkai cu phih hlungtai lo pihti ci.

Kum (1856) August 24. Marseilles ung Bä ca Emily cuh Shih helih acu kum ung ngami ah cong gui cuh (42) om pyin ci. Bä ca Emily ah kyähla cuh kä di heilh om ci.

Kum (1951) ung Bä ca Emily de Vialar cuh Papashàngpughang Pius ( XII) noh Bä ca k’chàng ah amüt.

The post Bä ca Emily de Vialar first appeared on RVA KCHO.

The post Bä ca Emily de Vialar appeared first on RVA KCHO.

Ani cuh akhokum (15) alo ah ung Bä ca Augustine ah Yahteitng’htawi ung luhtu neh Nibänak on be helih ami biloh gui cuh ngu lo tu neh Bä ca k’chàng ah kya tu hlü ca am’lungngaih om lo ci. A cunung ka noh Afarica ah om ca Muslim gui ah hteih neh khânpuighi ah monglam m’theim’cäi tu gui khai ah ami tuih ah kya ci.

A cun kä sho pha hleih ani cuh akya ah Gopai natnak gah lo ci. Cukong ah Potuki ah lo ba neh acum lo nak tu ba ah htinpaw nu cuh lam hmaa neh ta Sicily ah gok ca kya ci. A cun ung Bä ca Anthony cuh Asisi Mang-go ah hteih neh ta Bä ca Francis awng k’hnguh ci goi.

U phih ni hleih kä hteihhtawn nak hti ah Flolia Yahteit Cong ung pakanm’she khai ah ami tha ah kya ci.Cun ka noh Bä ca Francis Yahteit ng’htawi lah Bä ca Dominic Yahteit ng’htawi ung ka gui Deacon ami gha nak ung Bä ca Anthony am khànpughi ah mong ami pyein tu hlak te anaui ah ami cäi vai ah pyein nak gui ci.

Cung kong ah Bä ca Anthony cuh Italy ah ami tüih. Ani ah ng’ipng’ä ca m’lungni aom hlu ah k’chàngk’dà noh ani cuh ng’ngai ci gui. Bä ca Anthony cuh akhokum(30) gok lo hleih Pagua Mang-go ung shi ci.

Bä ca Anthony hlu ah shuh san nak ong ami khoh tang maih ci gui phih kya ba ci gui. k’Thongkyum gui laoh ba ci gui. Sheit kat nak ung ah phiòng nak kya ci gui. Nat nak ung ah gei ba ci gui.

The post Bä ca Anthony first appeared on RVA KCHO.

The post Bä ca Anthony appeared first on RVA KCHO.