Europe täng a kah Roma lo ci gui cuh 67% lo ci, North America täng a cuh 17% lo neh Khanpughi shüm hmat ci gui a kya ci. Jubilee cuh m’chüp lo te vah äp vai gui a k’da om ci. Hma kat ng’phyon nak bi nak ni, ng’yu yon ba nak ni, indulgences ci gui cuh gah ci gui a kya ci. Yum nak, yeikyai nak gui on Jubilee kum cuh mi ng’pyi lo ca kya ci.

Khanpughi shüm chuk vai neh lo ci gui cuh Jubilee a phäh a lo ci gui akya ci. Avan ung dim kyäpnak om hlä ci neh k’taigü nei ci ci gui.

The post Jubilee year m’chüp nak bi ci gui. first appeared on RVA KCHO.

The post Jubilee year m’chüp nak bi ci gui. appeared first on RVA KCHO.

Mindat Mâng kho, Cüihkheh hto ng’nong gui no 2025, December k’cha 21 hngüp, Adventu a k’phli nak kyün hngüp  ung  Taigü kho ung om ciah yumtu ng’bum gui awn ät ne Taigü Mâng k’thai cu do ci gui ah kya ci. Nayi m’chin gha ung ka no leng ne k’cho thung yo htum k’khon nak lah ng’äi ng’om nak awn do ne Taigü kho k’ngäng Msgr. John Om Se no ng’bum im m’kot ung ka no k’chüt ng’ui awn ng’bum im k’kyong ung a mi m’hluh u ne Missa gänap nak ung Taigü Mâng k’thai Augustine Thang Zawm Hung no khong mang hleih gänap ci gui ah kya ci.

Mindat Taigü Mâng ah Khanpughi ah ni bä nak ka phäh ah a shüm hmat nak ba lah m’cäi m’thei nak ung Mindat Taigü Mâng kho k’tai lah Taigü Mâng k’thai gah cu ng’htei ah Khanpughi ah ni bä nak ah kya ci. Mät ah kho lek ah k’khan ah mät ng’düih vai leng ne mi pong lo hnging cun phih Khanpughi ah keisu ah kya ci. Khanpughi no ngoiä chüt na m’htei gui ne hlü ciah k’tha gúi gùi a no peit ng’däih gui vai ah phih a k’cum ah mi k’taigü khai ah kya ci. A k’phli nak ah Aventu kyün hngüp ah kya hleih k’chang gui Kat nak ung ka no k’pyhon khai ah ng’tüi lo khai ah k’pyhon ciah Boi Yesu cu kä sho pha hleih ng’tüi om lo tu khai ah kya ci.

Ng’thu ni ung ng’yak ah mi mi no kat nak ung ka k’pyhon nak mi gah tu hnging vai ah Khanpughi ah k’chü ng’ngai ne äi ci goi ah k’chang k’hngih om ciah kya ci. A cun goi Nu Maria lah Bä ciah Joseph ah kya ci. Ngani no “ä” ci ne a ni pyein ah k’chü ng’lung awn mi mi hmakat nak ung ah na k’pyhon gui ne Khanpughi awn a ni na m’chum ba gui ah kya ci. Nu Maria no Khanhtapup Gabriel gok lo ne k’pyhon ciah Boi Yesu a ni ung ka no a ng’tüi lo tu vai a mong pyein hleih a ni cu a läng k’chang k’hngumi hta ah va kya ciah kya hleih kä kya hnging khai ah ng’ngai te ci. Cun tu pang ah phih Khanpughi yumäp ne a k’chü a ng’ngaih nak awn “  Kei cu Khanpughi no a na phan vai ah ka om ci. Boi no a pyein ah hlo ah kei ung kya hlä” ci ne Luk 1:38 ung m’shang ba ciah kya ci. Bä ciah Joseph ah phä ah phih k’phon ca Boi Nu Maria ung ka no ng’tüi lo khai ci ne Khanpughi ah ng’shä Khanhtapup no a m’cäi ah hlo ah bi Khanpughi ng’ngai ciah kya ci.

Mi mi k’chang gui a ng’däi ah ghün nak mi gah tu hnging vai ah cu Nu Maria lah Bä ciah Joseph no lam a ni na k’hmon peit gui ah kya ci. Maapi k’bäih ne ng’yak nak ung Prophet Isah no Juda Shangpughang Ahaz ah hteit ne Khanughi ah m’yungaa gui a m’dang vai ah tumat mat hlok nak shan vai ci ne pyein hleih Khanpughi kä yum ne kä shang ci te a k’hnguh ah a ni cun phih Khanpughi yum lo ne a cun gui cu do hnging ne Khanpughi a yum nak a m’dang lo cun phih om ciah kya ci. Cun yah ung Israel kho cu htum lah hliip ci-ah k’hngih ah ng’pai man ci goi ah kya ci. Isarel cu hliip lam ah kya ne Juda cu htum lam ah kya ci. A cun ah ghunkho mong lam ung ng’gen am nak gui a om lo yah ung k’ce ng’shä Isah no Shangpughang Ahaz am k’chang kä ng’ngai u ein ne Khanpughi bäng a ng’ngaih u vai lah Khanpughi om ci ci-cu shang ne na m’dang hlak vai ci ne pyein ciah kya ci. K’chang ah hlüngtai nak lah k’chang ah m’chüt näng nak düt ng’ngaih u ah a kya ung a k’hnguh ah k’chang ah k’kaa ah om ne k’chang ah phan k’chang düt ah kya hnging ci cu Shangpughang Ahaz a mong mi ng’yak no na m’thei gui ci. A cun ah hlo ah Khanpguhi ng’ngaih u ne a ni yum äp ah a kya ung Khanpughi no na m’htei hleih hlüngtai nak gui, m’chüt näng gui cu gah vai ci ne Nu Maria lah Josep no na m’thei gui ciah kya ci.

The post 2025, December k’cha 21 hngüp ung Mindat Mâng kho, Cüihkheh hto ng’nong gui no Taigü Mâng k’thai do nak first appeared on RVA KCHO.

The post 2025, December k’cha 21 hngüp ung Mindat Mâng kho, Cüihkheh hto ng’nong gui no Taigü Mâng k’thai do nak appeared first on RVA KCHO.

*************************************************************************************************************************************************************************

 K’hmo k’tho gui ah Jubilee a mi bi nak ung K’kyunglong Taigü kho k’ngäng Taigü Boi Peter Om ghüng lah k’kyünhlih Taigü kho k’ngäng Mattew Ling Hung no yumtu ng’bum gui ät ne Missa gänap ni ne ta K’kyunglong Zone ung om ciah Tagü Kho a hei hei gui ung ka no lo tu ci gui ah k’hmo k’tho gui k’hngumi, K’pami hta gui khong mang ni ne a mi ghü ng’lah hlak gui ne a mi m’lung yeikyai khai ah a ni ci gui ah kya ci. Missa gänap nak ung k’kyünhlih Taigü kho k’ngäng Mattew Ling Hung no khong mang ne Kho m’dek pum ung Catholic yumtu ng’chang gui no a mi bi ah Jubilee a mong a m’thei m’kan nak ung, K’hmo k’tho gui ci cu maa lam ah yumtu ng’bum lah ghun kho ah ni bä hlüng tai nak vai ah bi lo hnging khai gui ah kya ci ne Papa Shanpughang Leo no a pyein ah mong cu m’thein m’kan gui ciah kya ci.

A cun ah kya hleih k’hmo k’tho gui no ngami ah a mi ng’chüi nak lah a mi bi loh nak hnging, a mi hnguh hmat nak gui awn a k’ni ah k’chang gui ka vai ah a mi mang hnging vai kya ci.K’hmo k’tho gui  cu tuhchü ghunkho gui ung ng’tukah nak gui om ne yaica nak gui buawt tu lang pang hleih phih Khanpughü a mi ng’ngaih u nak, a mi bi hnging nak gui awn m’dang  a mi k’tha nak vai hlü ci. A mi ng’ngaih u nak maih ci vai hlü ah kya tu lang pang hleih phih Khanpughü ng’ngaih u ne a mi ghünlu ung a mi ng’ngaih äp nak om ba ci ci-ah yumtu ng’bum ah m’thei m’cäi gui m’dang hnging ci gui ah a mi kya vai hlü ci. Htitheing ciah ghünlu awn ghüng ne om nak awn mät ah k’kyawng khui, mät ah piggo, mät ah yumtu ng’bum, mät ah ghunkho ka vai thei bang nak peit tak hnging ciah k’hmo k’tho gui ah kya vai, A cun ah dìkyäp nak, htitheing nak lah ng’ngaih u nak gui ng’yak hlü ci gui mät no k’chang gui ka vai ah maa ne a bi hnging vai ci ne mät no ng’yak hlü ah ta k’chang gui am peit tak hnging vai a mong cu m’thein khan gui ne k’nga k’phlang gui ciah kya ci.

K’kyunglong Taigü kho k’ngäng Taigü Boi Peter Om ghüng no k’hmo k’tho gui a m’thei m’cäi nak gui ung Jubilee ci cu a kya ah yei tu vai ah k’hngüp ah kya ci. Ng’thu k’pyhüm ung Jubilee ci-ah Khanpughü ah ni bä nak ah phäh ah shüm hmat nak ba ung kat nak gui ah phäh ah Khanpughü awn ät ba ci-ah ng’phlan ciah k’phan k’chang gui, thong khui k’om gui a mi m’hlot ba gui. A mi vuh m’hta ah  hleipat, m’na, vok, me gui a mi m’hlot ba gui ah kya ci. Khanpughi awn a k’ni ah ng’gei ba ne a k’ni ah mi ng’hnguh ba kon ah kho m’dek ah k’khan ah mi mi ah pyhon nak cu mi gah khai. Boi Yesu no ( Mat:6:33 ) ung Khanpughi ah ghünkho ma ne na mi shui vai ci ne a pyein cu mi shüm ba ne Khanpughi awn maa pi ne ng’kot ng’gei ba hnging vai hlü ci. Ghünlu ung a í phih ng’ngaih u nak ba vai kä om ein ciah yaica nak gui buitawt tu lang pang ung phih Khanpughi lam ah Withness of Hope ci cu mi mi mi m’dang hnging vai hlü ci. A caa mi mi ah mi yum nak gui khäng htek khai ah ci ne Khanpughi yum äp lo pi hti ah a kya ung Khanpughi no mi mi gui ah yum äp nak gui na k’b pe gui khai ci ne yumtu k’chang gui am m’thei m’cäi gui ciah kya ci.

The post K’kyung long Zone ung bi ah Jubilee of Youth first appeared on RVA KCHO.

The post K’kyung long Zone ung bi ah Jubilee of Youth appeared first on RVA KCHO.

The post Mindat k’taigü Mang Augustine Shing Bawk ah hteit neh a hto ng’nawng gui teng gui ci. first appeared on RVA KCHO.

The post Mindat k’taigü Mang Augustine Shing Bawk ah hteit neh a hto ng’nawng gui teng gui ci. appeared first on RVA KCHO.

The post Mindat k’taigü Mang Augustine Kyuk ah hteit neh a Hto ng’nawng teng gui ci. first appeared on RVA KCHO.

The post Mindat k’taigü Mang Augustine Kyuk ah hteit neh a Hto ng’nawng teng gui ci. appeared first on RVA KCHO.

The post Mindat k’taigü Mang Augustine cuh Kitha ah hteit neh a Hto gui teng gui ci. first appeared on RVA KCHO.

The post Mindat k’taigü Mang Augustine cuh Kitha ah hteit neh a Hto gui teng gui ci. appeared first on RVA KCHO.

The post Mindat K’taigü Mang noh Ro ah hteit neh a Hto gui teng gui ci. first appeared on RVA KCHO.

The post Mindat K’taigü Mang noh Ro ah hteit neh a Hto gui teng gui ci. appeared first on RVA KCHO.

A cun ung k’taigü mang Augustine Thang Zawn Hung noh pyein neh” A k’ni a k’se m’cha neh hnguh hmat nak cuh “pyinyaj” ah kya ci. A k’ni a k’se m’cha thei vai nami ng’theitham nak cun nami hnguh hmat a hlo ah nami om kya thei vai hlü ci. Saya Sayamah gui cuh ng’theitham ca k’hmo gui kavai a k’ni ah om vai hlü ci” ci neh avan on m’thei m’cäi gui ci.

Missa gänap nak ng’pyi lo hleih, a ng’ming thang ca k’chang tumat noh a pyein cuh ng’ngai ci gui. Cun kon a k’hngüp ei ami ei nak on m’chüip ci gui ah kya ci. Kyüh kyok yah ung shin a bi hnging a phäh yah Khanpughi shüm hmat yeikyai ci gui.

The post “Jubilee of Education” bi ci gui. first appeared on RVA KCHO.

The post “Jubilee of Education” bi ci gui. appeared first on RVA KCHO.

A i phih Pyein ung k’chang noh hmat ci. Kä pyein ung u noh kä hmat ci. Cun a kya hleih Media cuh Khanpughi ah mong lam mi hmat vai ah mi bi vai kya ci. K’chang gui noh ami hmat vai Video a k’ni gui ah pyang neh phih kyai, ng’thu k’ni pyein nak on phih kyai, k’chang gui noh Khanpughi a mong ami hmat vai cuh Media on pyein vai ah kya ci ci.

Malaysia ung om ca Bawiphaya gui cuh Media-shy ci ah video ung ami pyein vai ng’aa ci gui ah kya ci. A i phih mi pyein ung vah k’chang gui noh hmat khai gui. Bawiphaya gui, k’taigü Mang gui noh kä mi pyein ung ng’thu k’ni cuh u noh kä ng’yak khai ah kya ci. Bawi ah mong m’thei vai ah Catechism cuh hlü ci. Seminiary ci ah Baiwphaya kya khai gui bäng mm’thei vai kä kya ci. Media ung phih mi k’o a lut lo vai hlü ci ci neh pyein ci gui.

The post Malaysia Bawiphaya gui noh “Media kyüh nak” cuh ami nong vai. first appeared on RVA KCHO.

The post Malaysia Bawiphaya gui noh “Media kyüh nak” cuh ami nong vai. appeared first on RVA KCHO.

The post Papa Shangpughang Leo no M’va kho a dìm Gei vai k’taigü pe ci first appeared on RVA KCHO.

The post Papa Shangpughang Leo no M’va kho a dìm Gei vai k’taigü pe ci appeared first on RVA KCHO.