Mü-hngün täng-ah, khaw va lut vü chü-tah kä gái ci gùi phung ni, khaw k’nget-ah pha gùi phung cuh, a pèi-ah hteh püi u hleih  pigò púm-ung-kah m’kõt pèi ah ng’bum ci gùi.  Gàw-pàinák a tä tä om ci gùi cuh, m’gái bà gùi ci. Khaw-’nget a k’dá phih, k’täm gùi hleih ngami nawh Báwi cuh, hmat ci gùi-ah kia hleih kä piein èin khai gùi-ah ci gùi ci.

Khawngói-ah, khàw kä thãi pha hleih let lo nehtah a dìng nák-ah hteit neh k’tài-gü ci. Simon nawh a pó gùi awn ani sùi neh hnguh lo u neh, “k’chàng van nawh ning sùi ci gùi,” ci ci. Jesu nawh phih, ngamí-àm, “ng’et ci-ah pigò k’zõ, k’däm gùi-ung, m’thei m’cäi vai-ah mi hteit kò. A cun vai-a phäh-ah ka lo ci,” ci neh piéin nehtah ngami-ah cãgat-ung lèng neh Galilee khàw púm-ah, m’thei m’cäi gùi neh khaw-’nget gùi k’täm gùi neh om ci.

The post Jesu nawh a k’gàw gùi m’gái bà ci. first appeared on RVA KCHO.

The post Jesu nawh a k’gàw gùi m’gái bà ci. appeared first on RVA KCHO.

Serbs pakkhui k’chang gui ah a mi ng’phät nak Freedom a mi gah nak vai ah a kya ah k’tha na ne bi man ciah Prince Stephen Nemanya ah hta ah kya ciah Sava cu Bulgaria ung ng’tüi ne Christu kum 1191 ung Yahteih tumat ah kya lo ci. Khokum k’hma hlok sho lo hleih a pa no a hlüngtai nak nong ne a hta Sava no Khanpughi yum äp ne a k’taigü bi loh nak ah Yahhteih ng’htoi ung lut tu ciah kya ci. A pa lah a hta a ni nik’hngih cu Yahteih ah kya ni ne Athos m’htung ung Serbia Pakkhui k’chang gui ah thung-yo ah a tung pi ah kya ciah Yahteih kyawng nu tumat a ni coh ah kya ci. Sava cu ng’thu k’ni lah a hei ca gui phih Serbia ng’thu awn k’phlan ne gu ba ciah kya ci. Athos m’htung ung a ni coh ah Yahteih kyawng cu Khilandari ci ne a ng’ming a ni hlui ne a cun ah Yahteih kyawng ung a mät ah kut awn a guk ah ca gui cu a tuhgüt chüt a mi htin ah kya ci. A ni cu Christu kum 1235 ung shi ciah kya ci.

The post Serbia Mânggo ung ka Bä ciah Sava ah ghünlu a mòng first appeared on RVA KCHO.

The post Serbia Mânggo ung ka Bä ciah Sava ah ghünlu a mòng appeared first on RVA KCHO.

The post Bawi Ng’tüi lo pi ci first appeared on RVA KCHO.

The post Bawi Ng’tüi lo pi ci appeared first on RVA KCHO.

Ngami-ah cãgat-ung, khaw-’nget nawh a pha-ah k’chàng tumat om ci. Ani nawh m’la neh, Jesu Nazarenu aw, nang cuh, keimi awn, i, mi ng’lak om hleih ang? Keimi nà m’dí gùi khai-ah, na lo ci mâ? Nang a u-ah na kia ka hmat ci. Khãnpùghí-ah, Htí-théing ci-ah k’chàng-ah na kia ci,” ci neh piéin ci. Jesu nawh phih, ani cuh, k’sé na neh, “Kä k’chü èin bà-ä. Cein-ah k’chàng ung-kah lut lo-ä,” ci hleih ng’hlo-hngóm ci-ah khaw-’sé nawh ani cuh, a k’nà-ah ci ghüt nehtah akia-ah m’lã neh ani-ung-kah lut lo ci. k’Chàng avan cuh, akia-ah cäi u neh, “Sin, a i-cuh? Sin-ah a m’thei k’thài mä, a i phäih? A i-ah kia hleih ci ung ng’hlo-hngóm ci-ah khaw-’nget gùi hngo, a ã-awn be gùi hleih a k’chü ’ngài ci gùi phäih néi,” ci neh tumat lah tumat piéin ci gùi. Ani-ah ng’ming cuh, a k’tén-ah, Galilee khaw-púm-ung tháng zop ci.

The post Jesu nawh khàw k’sé a k’täm. first appeared on RVA KCHO.

The post Jesu nawh khàw k’sé a k’täm. appeared first on RVA KCHO.

  Hilary cu Boi Yesu cu Khanpughü ah kä kya ci ci ah a mi m’thei m’cäi läklam gui ng’hngu ng’tuk püi ne Boi Yesu cu a cang ah Khanpughi ah kya ci ci-cu ghung ne m’hteng ne pyein hlak ciah kya ci. A cun ah Hilary no m’hteng ne a pyien ah phäh ah Roma shangpughang Constantus noh Christu kum 356 ung Hilary cu khaw pung ah a täm ah kya ci. Khaw pung ah a om yah ung Taigü Mâng Hilary cu  Shing k’thum Khanpughü tu mat bäng om ci ci a mong cu ca uk tu mat ah kya lo khai ah guk ne pyang ciah kya ci. Bä ciah Hilary cu Christu kum 361 ung Poitiers mânggo ah hteit ba ne a shi nak ah kum ah ciah kya ciah Christu kum 367 a chüt hleih Catholic yumtu ng’bum ah yum nak cu ghung ne m’htei ciah kya ci. A ni cu hngip hngäi ne k’chang gui ah khan ah m’lung ni hta ne yum tu k’bum cu a cum ah ghung ciah bä ciah k’chang tumat ah kya ci.

A ni cu Khanpughi lam ung hnguh hmat k’chang gui ah kya ciah Theologians gui lah hnguh hmat nak gui ng’thei ng’thang ci gui ah k’chang gui ghung m’htei ciah bä ciah k’chang tu mat ah kya ci. Bä ciah Hilary ah ghünlu mi teng a kya ung a ni cu Catholic yum tu k’chang ah a kya lo ung tün ne a yum nak ung khäng hleih a om ah hlo ah a k’cum a k’täih ah m’hteng ne a k’tung pi ah Boi Yesu Christu ah Khanpughi a kya nak cu kyüih kyok nak kä om ein hleih m’hteng ne ghun ci ci-cu mi hnguh ciah kya ci.

The post Bä ciah Hilary ah ghinlu a mong first appeared on RVA KCHO.

The post Bä ciah Hilary ah ghinlu a mong appeared first on RVA KCHO.

Shin ah nì lam ung kchàng avan ka vai khoh-tang gui atängtäng ah mang nak cuh kä kya hning ciah mòòng cun cuh kchàng kkên tu ba ah nghtòi gui ah goh mkot ah akya ah mòòng,kchàng gui noh khoh-tang ami mang lo ung khòh mdek ung kä yu khai ah nghlút neh pyéin ci gui.Cun kòn ah mi hmat ah täng ah kchàng gui ah phäh ah gah hnging ah êi ók gui ah ngbûm kthùm ung ngbûm ät cuh kchàng gui noh ghot u neh ami êi vai kä om ca akdú gui ka vai ah phäh ah acun ah ghoh cuh akdú gui ah êi ók vai guh tep gui ah kya ci. A ngdäih ah pyéin ung ghunkhò kkyòng lah a khòmdek púm ah kchàng ah gùi dá kä tàgá nak cuh mi kshíng ci.Kchàng adá lo ah phäh ah ngdü hngün tumat ung khoh-tang mangcâ nak aktén ah akâi lo ung ngdü hngün ung amòòng alam gui nggó ngài hlak ci. A ngtói gé ah akhòtüì pèingléng a thû shîn nak on mkónmkè mòòng ghoh ghoh ah khoh thêm gui gä hlêi nak,khoh-tang ngùi ghùi akèn cu lo nak lah kchàng ah om ih a düm lo nak gui a ngdün ah mi büí khai kya ci.

The post Akhòtüî lah akdú angmang gui first appeared on RVA KCHO.

The post Akhòtüî lah akdú angmang gui appeared first on RVA KCHO.

Galilee tui nú pèi-ah a hteh zah ung Simon lah a nàü Andrew, tui-nú ung ng’vài vòi ni hleih hnguh goi ci.  Jesu nawh phih, “ka hngú-ah na läk nä. K’Chàng gùi pha’ci-ah, ka ning piàng goi khai,” ci ci. Ngani nawh a k’tén-ah ng’vài gùi nawng ghüt ni neh a hngú ah läk ci goi.

A cun-ung-kah nawh hteit bà säng nehtah Zebedee-ah htá goi Jacob lah a nàü Johan cun phih ng’hlè-’kõ’khãn-ah ng’vài piàng ni hleih hnguh goi neh ngani phih, a k’tén-ah chü goi ci.  Ngani phih ani Pá Zebedae cuh, ami ghüh gùi mah-ah ng’hlè ’kõ ’khãn-ah nawng ghüt ni neh a hngú-ah läk tu ci goi.

Bawi noh a chü nak ung Simon ciah Petru ah kya lo ci. Bawi Jesuh ah hlu läk gui ung a ng’vai pi ah kya lo ci. Andrew cuh Bawi Jesu kavai ma neh ami ngon a kya ci. Yakuk cuh yum nak lah bi loh nak a ng’toi vai hlü ca among pyein ci. Yawhan cuh Bawi Jesuh ah hlu läk gui ung a k’hmo pi ah kya ci. Yum m’hngi nak among ng’dang khai guk ci a kya ci.

The post Jesu nawh k’chàng sing k’phlì chü ci.  first appeared on RVA KCHO.

The post Jesu nawh k’chàng sing k’phlì chü ci.  appeared first on RVA KCHO.

Khanpughi cu mi mi gui ah ghünlu gui, mi k’hmaleim gui lah mi ng’ngaih u nak gui kä na ton ein pe gui ne kya ciah Khanpughi ah kä kya ci. Khanpughi cu k’chang ah kya nak ci-ah ng’thu k’ni hnguh shim nak awn mi mi gui ah ng’lung ah om ne k’chang gui a van ka vai ah cäicat vai awng ah a m’hngi nak tumat ung na chükong gui ciah kya ci. M’shi nak cu mi mi gui tumat hti am Khanpughi ah Pakkhui k’chang, k’chang pakkhui päng lah Thung yo päng ah hta k’hngu hta k’pa awn ng’cumboi ciah kya ci. Khanpughi a na peit gui ah däm ciah a cun ah letsawng cu shüm ba vai ah kya ci. M’shi nak cu a k’hngüp nak ung ka no a k’khang nak ah kya ci. Ghünlu ung buiawt ah kä ng’kot ng’gei nak gui ung na m’ät ba gui ne shi lo ung Khanmopi luh nak ah m’kot ah kya ci ci-ne na m’thei m’cäi gui ci

The post Papa Shangpughang ah ng’thu first appeared on RVA KCHO.

The post Papa Shangpughang ah ng’thu appeared first on RVA KCHO.

A cun ah ng’tuk ci goi ah k’chang tuk ne a phein kon ah phaya kyawng ung om ciah a khan hta tumat ung ng’thup ciah kya ci. A cun ah a om yah ung a k’hmo hta no a mät ah ghünlu ung cun düt a om cu a kholä ah kya ci ci-cu ng’ngahtüh lo ci. Christu kum 1631, December k’cha ung a Kho kum 27 be lo hleih Caltanisetta ci-ah Franciscan ng’htoi ung lut tu ne a ming cun phih Bernard ci ne a m’thong ah kya ci. A ng’ming bäng a m’thong ah kä kya hleih a ni ah om k’ih, m’lung k’nga gui phih a van ng’thong hlat ciah kya ci. K’chim a ng’shäi awn lo ne ghüh lo tu ci a om ung phih a düm hta ah om lo ciah kya ci. Changui ah k’khan ah kä k’chü k’nga ne ng’tuk ciah ghünlu ung ka no a mät no a mät kä k’chü m’gein ciah ghünlu ung gok ciah kya cah a m’lung k’nga ng’thong hlat yop ciah kya ci. A  mät no a mät phep ne kyünhloi ne om cu a k’tung pi ah a ni ah bi loh vai ah ma mong ah kya lo ne Khanpughü yumäp ciah ghünlu ung a k’teng ah gok ciah kya ci. A ni cu Christu kum 1667, January k’cha 12 ung Palermo ah shih hleih Christu kum 2001, June k’cha 10 ung Papa Shangpughang John Paul II a mang yah ung Bä ciah k’chang ah kya lo ci.

The post Corleone Mânggo ung ka Bä caih Bernard ah ghünlu a mòng first appeared on RVA KCHO.

The post Corleone Mânggo ung ka Bä caih Bernard ah ghünlu a mòng appeared first on RVA KCHO.

The post Jesu nawh m’sinák a gah tu-ah màwng. first appeared on RVA KCHO.

The post Jesu nawh m’sinák a gah tu-ah màwng. appeared first on RVA KCHO.