Kchoadmin - RVA KCHO

Kchoadmin — Wed, 14 Aug 2024 02:22:25 +0000

https://rvakchochin.org/wp-content/uploads/2024/08/hailmary-online-audio-converter.com_.mp3

The post first appeared on RVA KCHO.

The post appeared first on RVA KCHO.

A gha-lei-phli nak kyün khngüp

Kchoadmin — Tue, 13 Aug 2024 13:57:15 +0000

Nazareth-ung, a mät zah gùi nawh ami mã.

A cun-ung-kah nawh a khàw-ah hteit bà hleih a-hlu-läk gùi nawh a hngú-ah läk ci gùi. 2 Kiün k’hngüp lèng neh cãgat ung m’thei gùi ci. A k’dá nawh phih ng’za-u neh Jesu-ah k’chü cuh, a kia-ah zùm ngak u neh, “sin-ah k’chàng nawh sin gùi phung cuh, a hoi-a kah a gah ang? Ani-ah hnguh hmat lam cuh, a hoi-a kah mä? Akut-awn a bi-ah sin-ah ã-gùi cuh, a hoi-a kah ang? 3 Ani cuh, Maria-a htá, coh-ng’phlài k’chàng, Jacob, Joseph, Judas, Simon ni-ah ami phäí-ah kä kia ci ang? Ani-ah bè gùi cuh, a si zah-ah mihmi awn om tu ci gùi-ah kä kia ci ang?” ci neh piéin u neh ani cuh, kä ng’ngài ci gùi. 4 Jesu nawh phih, “Ce ng’sä tumat cuh, a mät ah pigò, a mät ah im, a mät ah khaw k’chàng-ah omnák bäng-a vah, i-a phih kä hlui neh kia ci gùi,” ci neh ngamí àm piéin ci. 5 Gàw-pài ci gùi a pí-ah ’khãn-ah akut taih neh m’gái bà gùi ci. Cu zah-ah a hei ã, a i-phih kä m’dáng ci. 6 Ngami ung zùmnák kä om-ah phäh-ah cäi ci. A pèi zung-ah om ci-ah pigò k’zo k’däm gùi-ah hteit neh m’thei ci.

The post A gha-lei-phli nak kyün khngüp first appeared on RVA KCHO.

The post A gha-lei-phli nak kyün khngüp appeared first on RVA KCHO.

Khanpughi ah k’phyon nak (Divine forgiveness) ah a mong.

Kchoadmin — Tue, 13 Aug 2024 13:55:58 +0000

Khanpughi ah k’phoin nak (divine forgiveness) no mik mi k’chang gui na m’shi k’pyo gui neh k’chang k’thai ah na pyan tham ba gui ca kyak ci. A cun ah na m’shi k’pyo gui neh k’chang k’thai ah na pyan tham ba gui neh tah m’shi nak Sakharementu (bapitsmal rebirth) ciah a k’thai ah Bawi ung mi ng’tui om lo tu yah ung mi hti-theing nak ung na ghüin om ba hlak gui ca kyak ci caih Papahangpughang Francis no na m’thei m’cäi gui ca kyak ci. A cun a k’thai ah Bawi ung mi ng’tui om lo tu yah ung mi hti-theing nak ung mi ghüin om ba hlu ah mik mi gui ung kat nak gui ni, thüi hlei nak gui on be hte ca mi m’lung kyong, mi ghün om nak ung Bawi ah bä khäk nak gui (graces) cuh mi gah ba ca kyak ci ciah Papashangpughang Francis no na m’thei m’cä gui ca kyak ci.

The post Khanpughi ah k’phyon nak (Divine forgiveness) ah a mong. first appeared on RVA KCHO.

The post Khanpughi ah k’phyon nak (Divine forgiveness) ah a mong. appeared first on RVA KCHO.

Papashangpugahang Francis no ana m’thei m’cäi gui ah among.

Kchoadmin — Tue, 13 Aug 2024 13:54:45 +0000

Gopyam ci gui ni, yaica geinvai ci gui lah dukhaih ci gui ah k’chang gui cuh a htintaw (church) ah m’lung ung om ci gui kyak ci ciah Papashangpughang Francis no pyein ci. A cun ah kya hleih, Gopyam ci gui ni, yaica geinvai ci gui lah dukhaih ci gui ah k’chang gui cuh kä mi k’hmih en gui vai hlü ci. Gopyam ci gui ni, yaica geinvai ci gui lah dukhaih ci gui ah k’chang gui cuh mik mi k’chang gui ah mibi loh mi ng’ngaih tüh gui päng lah k’khangpughi ah mong lam mi mi loh nak gui ung ngami gui ka vai ah a k’tung pi ah mi biloh vai hlü ci ciah Papashangpughang Francis no na m’thei m’cäi gui ca kyak ci. A cun ah kya hleih, Gopyam ci gui ni, yaica geinvai ci gui lah du-khaih ci gui ah k’chang gui cuh kä mi k’hmih en neh mi m’thei tu gui ko.

The post Papashangpugahang Francis no ana m’thei m’cäi gui ah among. first appeared on RVA KCHO.

The post Papashangpugahang Francis no ana m’thei m’cäi gui ah among. appeared first on RVA KCHO.

K’taigüimang a k’thai a mi k’bäi ah a mong.

Kchoadmin — Tue, 13 Aug 2024 13:53:04 +0000

Dominican bawiphaya ng’toi ung ka bawiphaya Fr. Napoleon Sipalay cuh Philipines ghuin kaw, Diocese of Alaminos ung k’taigui mang a k’thai ah Papashangpughang Francis no k’bäi ca kykak ci.

Papahangpughang Fancis no January k’cha 28 k’hngüp ung, Dominican bawiphaya ng’toi ung ka bawiphaya Fr. Napoleon Sipalay cuh Philipines ghuin kaw, Diocese of Alaminos ung k’taigui mang a k’thai ah k’bäi ca kyak ci.

A cun ah taigüi mang a k’thai, Fr. Sipalay cuh 1970 kum, October k’cha 20 k’hngüp ung Davao Mang-go ung ng’tui ca kyak ci. A ni cuh, 1988 kum ung Dominican bawiphaya ng’toi ung hteit tu neh 1997 kum Aprial k’cah 5 ung bawiphaya ah kya lo tuk ca kyak ci.

Tuh chüi, Philipines ghuin khaw ung om ca hta-hta-na (Diocese) k’cheit (8) ung cuh taigüi mang kä om ca kyak ci.

The post K’taigüimang a k’thai a mi k’bäi ah a mong. first appeared on RVA KCHO.

The post K’taigüimang a k’thai a mi k’bäi ah a mong. appeared first on RVA KCHO.

Bä ca Anthony among

Kchoadmin — Tue, 13 Aug 2024 13:51:36 +0000

January k’cha a gha-lei-chüit nak cuh St. Anthony ah poi ah kya ci.
Bä ca Anthony cuh “monestic life” ciah mät om tu hnga neh k’taigü vai leng lo ca kya ci. Ani cuh Egypt ghün kho a ng’tüi lo ci. A nu lah a Pa a shih ngon a ng’thu k’ni ng’yak lo tu neh a k’om phung yoi neh dudawng ci gui am pe gui ci. Hlai lai mah a hteit neh k’taigü neh du dawng nak, k’taigü nak lah bi bi neh ei nak bi ci. Kho k’nget neh toktap gui m’chüit näng ci. A k’hmo noh lo neh Bawi Jesu ng’shi lo ung ” A k’cum a ghün nak gah vai a i bi vai ang?” a ci cuh bä ca Anthony kavai kya lo ci.

The post Bä ca Anthony among first appeared on RVA KCHO.

The post Bä ca Anthony among appeared first on RVA KCHO.

Bä ca Simon lah Jude ah poi k’hngüp

Kchoadmin — Tue, 13 Aug 2024 13:48:31 +0000

Bawi Jesu ah hngu läk ng’shä goi Simon lah Jude ah poi
Simon cuh Bawi Jesu ah hngu läk ng’shä a mi guk nak ung a gha-lei-ät nak ung om ci. Ani cuh ”Simon the Zealot” ci ah aming thang ci. Ani ah mong a k’da kä hnguh hnging ah kya ci. Bä ca Jude cuh “Thaddaeus” ci neh phih chü ci gui. Bawi Jesu ah mü ei ami ei nak ung ” A i kya hleih hngu läk gui bäng noh ami hmat, a i kya hleih kho m’dek om gui on kä hmuh ci neh ng’shi ci. Ani cuh khoh-tang maih ci gui ah äp nak ah bä ca k’chang a kya ci. Ami khoh-tang amaih ung ani ah k’taigü neh hnguh ba ci gui, gah ba ci gui ah kya ci.

The post Bä ca Simon lah Jude ah poi k’hngüp first appeared on RVA KCHO.

The post Bä ca Simon lah Jude ah poi k’hngüp appeared first on RVA KCHO.

Saya Kyüi Tam Khanpughi ah bi a bi nak kum 25 a be nak

Kchoadmin — Tue, 13 Aug 2024 13:44:43 +0000

Silver Jubilee bi ci gui
Saya Kyüi Tam noh Khanpughi ah bi a bi nak kum 25 a be nak cuh Mindat mango k’phui pigo ah bi ci gui. Kyaungkhui mah neh Khanpughi ah bi bi cuh kä loi ci. A k’hmo phih k’ko lo ci. Khanpughi noh a na ghü ah kya hlieh k’tha nak neh bi a kya ci.

The post Saya Kyüi Tam Khanpughi ah bi a bi nak kum 25 a be nak first appeared on RVA KCHO.

The post Saya Kyüi Tam Khanpughi ah bi a bi nak kum 25 a be nak appeared first on RVA KCHO.

A ghüi ng’ vai lo gui m’htei gui vai ah among.

Kchoadmin — Tue, 13 Aug 2024 13:43:00 +0000

Tuhchüi cuh a ghüi ng’vai lo gui (elderly persons) a k’daa cuh a mi mät hta geinvai neh ami m’lung ah thüi hlei hleih ami ghün om nak gui m’lung kä ni hleih mi hngu gui ca kyak ci. Ghün om nak gui a hlüng tai lo tu pang ah phih a ghüi ng’vai gui kä mi k’hmih en neh mi m’htei gui vai hlü ci ciah Papashangpughang no na m’thei m’cäi gui ci. I ah kya hleih ci ung, ghün om nak gui hlüng tai lo hleih k’chang gui no a ghüi ng’vai lo gui cuh i ah kä hlui täi ci gui ah kyak ci. A cun ah kya hleih mi ghün om nak ung a ghüi ng’vai lo gui cuh mi gung-tot tu gui u neh mi m’htei tu gui vai hlüi ci ciah Papapashangpughang Francis no na m’thein m’cäi gui ca kyak ci, “do not cast me off in my old age” ciah Salan ng’thu ng’ni ung ka pein neh Papashangpughang Francis no na m’thei m’cä gui ci.

#Pope Francis #Twiter

The post A ghüi ng’ vai lo gui m’htei gui vai ah among. first appeared on RVA KCHO.

The post A ghüi ng’ vai lo gui m’htei gui vai ah among. appeared first on RVA KCHO.

Hmo-hta gui ah ng’lam

Kchoadmin — Tue, 13 Aug 2024 13:41:38 +0000

Christmas poi ung hmo-hta gui ah ami ng’lam
M’dap k’hmohtagui ami ng’lam awng yeikyainak bi ci gui.Khãnpùghí cuh m’hlümm’tai nak,yeikyai nak lah shümchük nak bi vai cuh hlü pi ci.

The post Hmo-hta gui ah ng’lam first appeared on RVA KCHO.

The post Hmo-hta gui ah ng’lam appeared first on RVA KCHO.