Cardinal Charles Bo noh a m’khäh ah 2024 Christmas ng’thu k’thai
“Glory to God in the Highest, and peace on Earth”
A kum täi Christmas poi a om täi hleih m’hngi nak, diimkyäp nak, Yeikyai nak ci ah k’chü ng’lung gui cu khaw k’chi ung vah ng’ väi ghüi ghüi düt ciah kya ci. K’chü ng’llung düt ah kä kya ein hkeih na mi m’lung kyawng ah a cun ah m’hngi nak, diimkyäp nak, Yeikyai nak gui na mi gah vai ci ne ka ning k’taigü pe gui ci nei.
2025 ung ng’ngaih u nak a k’be awn mi luh tu hnging vai ah January k’cha a hngüp ät hngüp ung om lo khai ah 58 vei khaw m’dek a diimkyäp vai ah hngüp ah ka vai Papa Shangpughang Francis noh a guk ah ca ung “Ka mi kat nak ung ah na phyion tu gui ne Diimkyaäp nak na peitu gui ä ci ne Title a guk ah kya ci. Mi nu yumtu k’bum noh lo khai ah 2025 cu Jubilee kum ci ne bi khai ah kya ci. Jubilee kum cu ng’ pang pi ciah kum 2000 ung phih k’hmät bi man pi ah kya ci. Jubilee ci lo gei ung k’chang a van noh kat nak ah phäh ah k’chü m’gein nak ah hmat vai ah kya ci. Jubilee kum ci cu Khanpughü ah taga nak gui a ni ah coh ng’phlai ba ah kya ci. K’chang a van cu Khanpughü ah tüi pyan ah kya hleih u noh u k’kalu nan eh a hei nak vai kä kya ci ci cu shüm ba vai ah kya ci.
Jubilee poi a ni ah bi tu hnging vai ah phäh ah mät ah hma kat nak gui ah phäh ah ng’yung’yon ba ne phyion nak gah vai ah kei ah kat nak ah phäh ah na k’chü m’gein tu gui ä ci ne mi pyein vai hlü ci. A k’tung pi ah k’chang , khaw m’dek k’phyuk kha chihla gui m’dii m’dam ah phäh ah ng’ yu ba ne kat phyion nak gah ba vai hlü ci ci ah Papa Shangpughang no aguk ah ca cu na m’thein tub a gui ciah kya ci.
