K’kyawng khui Khanpughü noh a chü thäm nak

K’kyawng khui päng ah k’kyong lah k’kyawng khui gui ah ng’lak ung Khanpughü ah ng’thu k’ni pyein hlak m’thein m’kan gui gui cu a shalong vai ah hlü ci. A cun ah m’theing m’kan ah a tung pi cu k’pyon nak pe ciah ng’thu k’ni ah kya ci.Yei kyai vai ah mong m’thei m’khan nak cu hlüng tai ne ni ci ah kya ci. A cun ah ng’thu k’ni m’thei m’kan cu Khanpughü ah mong lam bi lo gui cu a k’tung pi ah kya hleih a van ah a lai ung om vai hlü ci. ng’thu k’ni m’thei m’kan khan hlok ah a ni phih thuk ne, hnguh hmat nak awn be ci a ii phih kä om hnging khai ah kya ci. M’hngi nak lah k’chü m’gein nak ah a mong m’thein m’kan nak ung ng’thu k’ni ung ka noh a k’khang kyeisu awn ng’thong hlah nak a om lo ung va Khanpughü ah ma ah ng’chula goi ah ng’gun nak ah kya ciah lettat nak lah k’kyawng khui a mong m’thei m’thang cu a k’ni ah hmat hnging vai ah kya ci.

Catholic Christian k’kyawng khui ah thuk nak ah a mong cu mi mi gui ah ka vai ah a ngun m’shih ne mi ng’ lak ah a cum ah om ciah mi Boi Yeisu Christu noh a m’dang ah Pa Khanpughü ah m’hngi nak ah kya ci. Khanpughü cu ng’kyawng khui gui ung ng’thu k’ni m’thei m’thang nak ung läk lam gui a ni ah läk ne a cun cu ngoiä chüt hleih ng’do nak ung mi mi gui awn a cum a ng’däih ah om khai ah ne kat nak gui ah phäh ah a k’ni ah ng’yu ng’yon ba ung kat nak ung ka noh phih na phyon gui hnging ciah a I phih m’chüt näng ciah Khanpughü ah kya ci.