Bä ca Jude Thaddaeus lah Bä ca Simon the Zealot
Bä ca Simon lah Juda Boiyesu ah hluläkng’shä go ah kya ci. BoiYesu Christu cuh Pakhanpughi ah among athähla lo vai(mission) ung phih kya, Hluläkng’shä gui ashü lo vai ung phih kya ani ah shuhshan neh ta Biloh nak bi hti ci.
Acun ah abiloh cuh kä ni ca monglam(temptation) gui kä ng’con tu vai ah phäh kya ci. Bä ca Simon lah Jude cuh k’thaken hleih neh k’thapüng hleih a I phih kä biloh ba hlu ah m’lung aom lo lah a I bi ung phih I ah kä mong ci vai hlui ah ng’ngaih aom lo yah ung Bä ca Jude Thaddaeus lah Bä ca Simon the Zealot goi cuh mi äp hti ci ah kya ci.
Angani cuh Seria, Metsopoteimeia lah pasha ah chüt helih Khanpughi ah mong thäihla neh m’theim’thang ci goi ah kya ci.
Bä ca Jude Thaddaeus cuh BoiYesu ah shuimikhmang ah ng’ngui ugn awi neh ng’shothung kot ci. Ani ah alu khang ah cuh Meim’lei hta däi ci( Pentecost lah Confirmation ) ung kyat e ah k’thaguiKyeisu gui ah ng’dang ci.
Ami plang nak cuh Boiyesu christu am’lung ung om kenggen neh htithein ca muh khanpughi ah akhangKyeisu awng Khanpughi ah monglam thähla ca hluläkng’shä tumat ah kya ci.
Ani ah among cuh Bä ca Luka lah Bilohgui ung ng’nguh ah kya ci. Bä ca Matthau lah Bä ca Marku ung läi ani cuh Thaddeus ci ah ng’nguh ah kya ci.
Bä ca Simon ah ming cuh ng’thuni ami guh ah among (4) ung nguh ah kya ci. St.Simon (Zelotes) ci ah nguh ah kya ci. Acun ah ang’ming nah cuh Khanpughi ah mong lam athähla m’theim’thang nak ung m’lungng’ngaih ni om neh biloh ca kya ci.
