Ami ng’zu bà vai piéin ci.
Galilee k’chàng gùi-ah si cuh pui ami m’ghu nák-awn, Pilatu nawh a k’cãwn-ah màwng, a cun zah-ung om tu ci-ah k’chàng gùi nawh m’thein tu ci gùi. Báwi nawh ngami-àm a piéin bà cuh “Cun-ah Galilee k’chàng gùi cuh a hei Galilee k’chàng gùi-atah, sé ka tu bà neh a cun-awn sih ci gùi-ah nami ng’ngài ci-ang? Kä kia ci, ci neh nangmi-àm, ka piéin ci. Cun tu pang-a phih, kä nami ng’zu bà läí-ung, nami om ci phùng, ngamí-a hlo-ah nami dí lo khai. A cun-a hlo-ah, Siloam ng’vòng nawh geih gùi neh gha-lei k’chéit m’sih gùi ci. Jerusalem-ung om ci gùi-ah k’chàng avan-a tah, cun gùi cuh, sé ka tu bà ci gùi-ah nami ng’ngài ci ang? Kä kia ci. Cun tu pang-a phih, kä nami ng’zu bà läi-ung, ngamí-a hlo-ah avan nami dí lo khai.
Sin-ah m’tu-m’tängnák phih, ngami àm piéin ci. K’Chàng tumat nawh a mät-ah lo mà-ung, ng’bãng ghing géit nehtah a k’theih sùi neh kä hnguh ci. Lo mah-àm piéin neh, “Sin-ah ng’bãng ghing-ah k’theih sùi neh kä ka hnguhnák kum k’thùm lo pi ci. Chuton-ä. A i vai-ah m’dek-ung ng’kioh tu hlak líng?” Ani nawh,“Báwi-aw, tuh-sikum om càng hlä. A ghing véi neh cõ neh k’cung-k’sin ka phlu khai. Ng’Theih lo mùi khai. Kä cun-ung, a cu kon-ah chu-kóm ci,” ci tu bà ci.
