Kia lo khai-ah hmatnák vai.

K’Chàng ng’bum-àm piéin neh “Hngi-kiák täng-ah ng’mèi kài lo hleih hnguh u neh a k’tén-ah khàw ã lo khai ci u ci hleih a cun-ah kia lo ci. Hái täng-a kah, khàw a ’chì lo-ung, ’khàw hlò khai ci u hleih a cun bä-ah kia ci. K’Chàng ng’séi gùi aw; Nangmi nawh Khãnmòpí lah khàw m’dek-ah müí-hmai nami m’cha vai nami hmat ci. A tuh-chü zah läí, a i-ah kia hleih kä nami k’síng ci-ang?

Càng ci cuh, nangmi nawh a i-ah kia hleih kä nami m’khaw-m’cha ci-ang? Na gà-awn Sangpùghang-ah nani hteh zah-ung, lam-ah, ani-ung-kah, na phión vai-ah na ci vai. Kä cun-ung, zùng Báwi-ah ning àp khai. Zùng Báwi nawh thong Báwi-àm ning àp hleih thong Báwi nawh thong-ung ning chúm khai. Nang-àm ka piéin cuh, “Avan hling hling-ah kä na ng’loh pha-ung cun-ung-kah, kä na lut lo bà khai.”