Papa Shangpughang ah Angelu ng’thû
Ka yei nak ah phäi,na nu be gui o! Mateu 22:1-12 ung Jesu noh mtumtäng neh a pyéin cuh Shangpughang no a hta ah hta lak nak ah poi ung a chü beit tu gui ah kchang gui ah mòòng mi ngya ci. Acun ah a chü beit tu gui cuh hta lak nak ah poi ung Shangpughang noh a yei kyai nak lah a hta noh hta lak nak ung a gah ah yei kyai nak cuh a chü beit tu gui am a tei Pai hlü ah Kya ci. Cun tu pang ah phih a chü beit tu gui cuh khò kä tä u neh ami bi phäh phäh bi u neh ami om hlü hlü ah om ci gui. Shangpughang mät shai na u neh ngbe Khai a tüih hngo ngon neh kho kä tä ci gui. Cun tu lang pang ah phih Shangpughang noh a hta ah hta lak nak cuh kä nong neh kä mhläih neh däm tai lo pihti khai ci ci.Acun ah hlo ah K’khân pughi noh ana chü Phong gui cun phih kya ci cuh hta lak nak ung a chü gui kä lo u hleih phih lam k’khân ah ami bü ah om ci gui avan a chü beit gui nak on mi hmat hanging ciah Kya ci. Bä ca Jerome noh shin ah hta lak nak ah mòòng a kphlàn cuh hta lak nak ah poi bi ca Shangpughang cuh K’khân pughi ah kya ci.A hta cuh Boi Jesu ah kya neh a mdon ah hta ngla cuh Catholic Htahta na ci ci.Hta lak nak ung ami beit tu gui cuh mikmi kchang gui ah kya neh hta mdon ciah ei ok ei o tu ci gui cuh Boi Jesu hta mdon ci noh a yei kyai nak a na tei Pai tu gui hlü ah phäh ah kya ci. Hta mdon nak ah ngdü hngün cuh mi om nak ah kkyong kkhui,im,ktaigü nak gui mikmi ah ghinlu gui ciah kphlàn ci.Hta mdon nak ung hteit tu ci noh akni ah a hlui hlak ah hlo ah hlui hlak neh mi hteh tu vai tu Htahta na ung kkhim kka khai akni ah a mcäi läk neh mi om vai ah kya ci ci ci. Mikmi ah yeinak cuh akkhan kphong ah kä Kya ci.Mi mlung ung mi yei,mi bi on mi yei cuh mi hmai ung ngdang ci. Nu Maria o,Boi ah yei kyai nak ung kami däm tai lo pihti vai ah na gung gui ä.
