Nami dí lo khai néi.
Nami dí lo khai néi, Pharisee gùi-aw. A i-ah kia hleih ci-ung, nangmi, htüng-gük, k’thui ãn gùi cuh, ghà-ah k’bum-ung, ng’bum ät peta láng u neh m’cha m’langnák lah, Khãnpù-ghí m’hninák cuh, nami nòng ghüt ci. A cun gùi cun phih, nami ci vai. Mà neh piéin gùi cun phih, kä nami nawng èin vai. Nami dí lo khai néi. Pharisee gùi-aw, a i-ah kia hleih ci-ung, cã-gat gùi-ung, mà neh ngohnák ni, zoih-tuknák zung-ah, ami ning chü béit gùi nami zùm ci. Nami dí lo khai néi. A i-ah kia hleih ci-ung, m’cim-hngün vai hlü-ah, a ’khãn-ah hteit ci gùi nawh kä mi hmat-èin vai-ah, nami kia ci.
Cun kon-ah, k’chü m’cäinák k’piàng ng’düi lo neh, “Nang Saza, sin-ah piéin neh keimi gùi na nà hlü-hlàwng gùi ci,” ci ci. Báwi nawh piéin lo neh, “Nangmí phih nami dí lo khai néi, nangmi m’cäinák piàng gùi. Nangmi nawh k’chàng gùi-ah, kä phuih hnging-ah phuih, nami k’phuih gùi ci. Nami mät nawh tah kut m’dáwng htá düit-awn phih, kä nami tòn ci.
