Cikputi Nu Boi
Nu Maria ah ana ghun,ana m’htei gui cuh mikmi catholic Htahtana ung mi om ca Pahtak’chàng gui noh mi yumäp nak om ci. Nu Maria äp nak ung “Rosary” ciah Cikputi cuh phih atung pi ah kya ci. Cun ah Rosary an vah Nu Maria noh ana ghun gui ah kya ci.
Latpanto ci ah Musalim gui noh angami ah amikho adäm,ang’shong lo vai phäh Yumtung’bum Pahtak’chàng gui cuh ngon gui u neh amim’dii lo nak gui gui Catholic Pahtak’chàng gui cuh ak’da shit lo ci gui.
Angmi cuh kyükyokdüt u neh yei lo ci gui. A cun ung Papa shangpughang noh amät ung ka noh Leng neh Pahtak’chàngak’hmohta ah chüh hleih NuMaria Yei hey ng’ngaih äp neh Cikputi( Rosary) awng Shuhshan nak bi vai ci ah thähla lo gui ci.
A cun ung Leng neh Rosary mah ah Shuhsha neh ami gaa gui phih tu gui u neh ta angu ah ngäng ci gui, A cun cuh Nu Maria noh aghunm’htei nak gui awng Khânpùghü ah nibänak ami gah ah kya ci. Cikputi khei ah ung thukca among gui (20) om ci. Acun gui cuh
- Zei nak vai thukcamong (5)
- Thüi-hlei nak vai-ah among (5)
- Cäi-cat nak vai-ah among (5)
- A khang nak ah among (5)
Cun ah Cikputi khei lo cuh Bä ca Dominic awn Nu Maria noh am’thei te ah kya ci. Fatima ah Nu Maria noh Lucia, Jusita lah Francesco ni anak gui ah ung phih Hmakat nak awn be ca k’chàng gui ah phäh Shuhshan vai hlü ci.
Cikputi khei neh Khâpùghü ah m’gein nak ami gah ba vai ah thühlei nak ah m’Lung awn Shuhshan neh ng’hüing’pa nak biloh vai Nu Maria noh Lam na m’shüm gui ci.
