St. Michael ng’bumim poi bi ci gui.

Mindat k’taigü mang kho Kitha yumtubum a kha a M’kui pigo ung om ca St. Michael ng’bumim poi cuh September k’cha a gha-lei-ko nak ung bi ci gui. A cun a ng’bumim poi ung k’taigü mang Augustine hteit neh khong mang k’taigü pek gui ci. K’taigü mang Augustine lah Bawiphaya, Maamah gui cuh 28th September mühngün täng a hngi m’chin 3 ung M’kui pigo ah gok ci gui. M’kui pigo yumtubum gui noh K’taigü mang cuh do chan u neh k’cho ng’lam lah yu on do ci gui. A cun kon a St. Michael ng’bumim ah lut u neh k’taigü mang m’tam khah nak lah ng’äi neh m’hlüm tai ci gui.

Cun kon a 29th September ung ng’bumim poi cuh k’taigü Mang Augustine lah Bawiphaya k’phli neh maamah 4 lah m’kui yumtubum gui noh ät neh k’taigü ci gui. A dimkyap a bi hing cuh Khanpuphi ah bä nak a kya ci.