Bä ca Francis Assisi

Bä ca Francis Assisi cuh Htithein K’chàng tumat ah kya ci. Ani cuh Kum (1182),Italy Ghungkho,Assisi Mang-go ung ng’tuiom lo tu ci.Ani cuh ng’buhng’mang k’chàng tumat ah ahta ah kya neh ani ak’hmo ah ung ang’ngaih ah omkya, Hteihhtawi,eiok neh om ci.

Akyä ah hlu nak gui beneh Yei neh om ci. Bä ca Francis cuh I ah bäng’mang neh aom tu lang pang ah phih ani ah m’lung ung kyämbe cuh kä om hloh ci. Ani ah aPa noh GaakapBòi tumat ah akya hlak hlü.

Amät noh phih kya hlü neh Gaakap gui ah ng’theing’thang nak ah (2) ve pum hteih tu hleih phih Gaakap ah kä kya lo tu hlok ci. Khongüp tumat ung Khàpùghü ah chü-o tumat ng’yah lo ci. “Francis aw Kami( Phayacong im) nap yang tu ba.” Ci ci.

Francis cuh Assisi ah hteih ban eh aPa ah aphuom ca kohtang gui yawitu neh Phayacong cuh pyang ba ci.Acun ung aPa cuh anahma ah m’lungSe neh Farancis Assisi cuh Sayataw ah khahpui neh Htahtana noh akhoh ana m’thung vai ci hleih Francics cuh phih amät ah hlui gui avan hlut yop neh aPa awng pe ban eh ta” Tuhngoi tün neh m’dekkhan ah kaPa cuh kä Pa kä kya ba ci, Khànkho ah Om ca KaPa Khànpùghü bang vah kaPa ah kya ci”, ci ah k’chàngk’da ah maa pyein ci.

Bä ca Francis cuh Khànpùghü ung amät noh amät m’ap neh Pahtalam ung k’thalonak ci. Ah ni ah biloh gui ng’ngah tu ci gui ah k’chàngguik’da lo hleih abiloh gui däm lo ci.  Dudongk’chàng gui ah khang ah m’hning’kyu nak abi hlu ah Khànpùghi ah tuipyan ah Khankho om gui, m’dekkhan om gui lah tuilong om gui avan cuh yei nak gui ci.  

khongi awng Ka Phäi ci neh k’chá awng ka be ci,ci. K’ngetngon neh k’chàng ei ca ng’Hei tumat cuh ka teihpui ci ah Bä ca Francis noh chu ci. Bä ca Francis cuh akhokum (44) gok lo hleih Potiampola go ah aom ah ung Shih ci. Bä ca Francis noh ak’shungm’thei ah phyukha, khihla gui, kikong nga,ai gui lah shinghing gopai gui cuh m’hteim’hta vai khànpùghü noh ng’yanghlui ci.