Bishop Fulton J.Sheen cuh Blessed ciah bä ca k’chang a kya lo vai m’hlüm tai nak.
Phyâ 5 kip hlok lo ca kchàng gui cuh Misouri,St.Louis ung K’Tàigü Mang Fulton J. Sheen ah Bä Ca K’Chang ah a kya lo vai ami m’hlüng m’taih-nak
Thursday,September 24 ung K’Tàigü Mâng Fulton Sheen cuh m’hlüng m’taih u neh Bä Ca Kchàng ah k’bäi vai phäh ah hti theing ca Fulton ah m’hlüng m’taih ci gui.
Acun ah ami bi cuh a ng’tüi kon ah minute 61 sho chütah a m’lùng hngün lo ca ng’tüì thài ca akhmó mhtei ca OSF on ngpak ci.
K’Taigü Mang Fulton Sheen ah 2010 ung ngtüi lo ca James Fulton Engstrom ah k’kyongkhui ah nghuingpa nak ah phäh ah kya ci.
Atuhkbäih(teenager)khmo ktho ah kya lo ca Engstrom cuh m’hlüng mtaih nak ah Missa ung a k’kyongkhui on atäng ah Fulton Sheen ah relics k’kot neh k’täigü tu ci gui.
2019 ung Pope Francis noh cun cuh akbäi kon ah kum k’chüih sho chütah htitheing ca kchang ah Sheen cuh ami shä ah kya ci.
M’hlüng m’taih nak ah k’taigü gui,religious gui lah ktaigü vai ngthei tu ci gui phya k’khak kai tu u neh ahei phya kkhak gui phih ami kbäi mdang tu ci gui.
Acun ung Pope Leo ah chüt hleih a ngdünngdün ah ngkhingngkhong ci gui phih kài tu ci gui.
Kum 1950 yah ung khngüp kchüih ung tämkäp 30 hlok noh TV ung ami teng ah Sayataw Sheen ah ”Life is worth living”ciah a m’thei nak ung tukbäih Pope Leo 14 cuh Chicago k’om ah kya man ci.
Khomdek kchang akkhak gui a ghunkho hei ah ka gui cun phih ani ah mtheimthang gui ngngai neh ngthong nghlat tu ci gui.Christian ngpai gui lah ami yum kä khänghtek hleih ani ah phäh ah ngthong nghlat lo ci gui phih akkhak om ci gui.
Sayataw Fulton Sjeen ami kphuh nak ung bä ca kchang ah htahtana noh akbäi lo vai ktaigü ca Konecki noh phih shin cuh kei ah phäh ah aktúng ah kya ci ci ci.
