Ahlu-läk k’chüihkip-leigoi ami lo bà-ah a màwng.

K’Chüihkip-leigoi cuh, zèi neh lo bà u neh “Nang Báwi-ah m’zung-awn khaw-’nget gùi hngo kami ’kãhtá na pi ci,” ci u hleih Báwi nawh “Khaw-’nget cuh láiläp vai hlü ah, Khãnmòpí-a kah zu kia vü hleih ka hnguh pi ci. Teng-vä. K’Phiù, Phiù-m’ci lah, chigà gùi m’chütnák vai cuh, nangmi-àm ka ning pe gùi ci. A i nawh phih, nangmi kä ning ci gùi khai. Cun tu pang-a phih, khaw-’nget gùi cuh, nami ’Ka htánák gùi-ah phäh-ah, kä nami zèi tu vai. Nami ng’ming gùi Khãnmòpí-ah a ng’guk-ah phäh-ah nami zèi tu vai.

A Cun zah mät-ung, Muh-Htí-awn zèi tu neh a piéin cuh, “Khãnmòpí lah khaw m’dek kanak ci-ah pá-aw, a i hngo hnguh-hmat ci gùi-àm, sin gùi m’zih gùi neh a k’hmóhtá gùi-àm na k’hmuh ci-ah kia hleih ka ning m’tam ci. Pá-aw, a k’càng néi. Asin-ah ng’zák hlü ci hleih néi. Ka  Pá nawh kei-àm avan na pe püi ci. Htá cuh u-ah a kia, a Pá kon-ah lah, Pá a u-ah a kia, a Htá lah, a Htá nawh a hmat hlak hlü-ah k’chàng gùi kon-ah, a u nawh phih kä hmat ci.

Cun zah ung Jesu nawh a-hlu-läk gùi-àm piéin neh “Nami hnguh, hnguh tu ci, a zèi tu vai-ah kia ci. Ka ning m’thein gùi cuh, ce ng’sä gùi lah Sangpùghang a k’dá nawh nami hnguh, hnguh tu hlü u neh phih, kä hnguh tu ci gùi. Nami ng’zák, ng’za tu hlü u neh phih, kä ng’za tu ci gùi,” ci neh be gùi ci.