Jesu läk hlü-ung.  

Lam ami hteh zah-ung, tumat nawh “Na htehnák päng-ah ka ning läk tu khai,” ci neh Báwi-àm piéin hleih, Jesu nawh “Hla ui gùi-ung khùi, Khãnkhaw ’kha gùi kavai ng’bú om ci. k’Chàng-ah Htá läí, a ng’hlihnák tu vai düit hngo kä om ci,” ci ci. A hei tumat läí-àm, “Ka hngú-ah na läk-ä,” ci hleih cun-ah k’chàng nawh “Báwi aw, hteit neh Ka Pá m’cìm tu càng kóng,” ci ci. Jesu nawh “k’chàng k’sì gùi nawh ami k’chàng k’sì m’cìm mà u hlä. Nang läí nawh Khãnmòpí khaw-ah màwng, hteit neh piéin-ä,” ci-ah m’sàng bà ci. A hei tumat nawh phih, “Na hngú-ah ka ning läk tu khai. Cun-tu pang-a phih, k’piu k’om gùi ka hnguh bà gùi ghüt khai,” ci hleih, Jesu nawh “M’Hà ’kot neh a hngú-ah màng bà ci cuh Khãnpùghí-ah ghin-khàw-ah phäh-ah kä kia ci,” ci neh ani-àm piéin ci.