September 13th nak angelu ung Papashangpùghang noh a m’cäi.

K’Phyónnak kä om hleih dìmkyäp nak kä om hnging ci. Pope ah Angelu k’chî m’khá ung Pope Leo 14 noh nggen nak, ng’tái nak, hlò kyannak mchüt vai ah Jesu noh na k’phyón gui neh m’hngi nak lah dìm kyäp nak m’däm m’taih vai ah kchang hei gui k’phyón ah k’thagui ah moong na ngah-tüh hlak gui ci.
”K’Phyónnak cuh kä om ung kä kya tu kcàng ci. Acun kä om hleih dìm kyäp nak ung kä mi ghing hnging ci. A shô a yät ah vah kya khai ng’cuh nak gui,ng’ú nak gui, ng’uh ngtak nak gui, phushui nak gui cuh kchàng gui ah nglung ah om neh ngeinak gui, kyòngkhui gui m’dí neh ng’tuk nak gui m’hlòt ci.”ciah pyein ci
”K’Phyónnak bäng no vah na m’hlòt gui neh ak khang na pe gui ci. Kchang ah khoh tang lah om ih dukhaih nak ah lam ng’lung lah kä ng’shíng ca lam am ak khang pe ci.
”K’Phyónnak cuh kho khì k’gêi hta noh kho khngi a hlo lo ah chüt hleih ng’mei k’shah a phái ah hlô ah kya ci. Kchü mgein ca Nu Nglami Maria ah mi nghui ko”ciah kdäih neh Pope noh pyein ci. M’hnginak ak khang on na kuh man gui neh a ng’cét yah tu pang ah phih líng gai k’tha na ca m’lung léng neh na teipai gui hlak neh mi kphyon thei vai ah ana gung gui vai mi k’taigü ko”.
Pope Leo 14 noh Mateiu ung kah Kyün Khngüp Ngthukni ung na kat na ci a i kchŭ vei mgein vai ang kchüih vei ma ciah Petru noh Jesu a ng’shi na ngah-tüh gui hlak ci.
”Kchüih vei bäng ah kä kya neh kchüih kip lei kchüih vei ”ciah Jesu noh a m’shang ba cuh mikmi Christian gui cuh khän tai nak kä om en ca nüt dong neh kä mchüt ah kphyon vai ah ana chŭ gui ci ci.
Pope noh m’tung täng neh a pyein cuh kphyonnak cuh christian ghinlu ah ng’leh ng’pyan ng’yung khong nak ci ci. NgThukni ung Christu noh a pyein cuh a Boí noh a pû k’phyon chütah, amät a pu ci kä kpyón tu ba hleih vúknak agah hlak cuh na mthei ba gui ci.