Ei hloi-a màwng.
Cun kon-ah ngami nawh Johan-ah k’chàng gùi lah Pharisee gùi nawh ei hloi vai lah, k’tài-gü vai cuh, asäng säng ci ci gùi. Na k’chàng gùi läí nawh èi ci gùi” ci neh piéin ci gùi. Ngami-àm, Báwi nawh a m’sàng bà gùi cuh, “k’Chu-mah ci-ah ng’piangmí-ah püipó gùi cuh, ng’piangmí a om zah púm-ung, ei hloi hnging khai gùi ang? K’Chu-mah ci-ah ng’piangmí, ngami-a kah, láknák bà-ah k’hngüp gok lo khai. Cun zah ung ei hloi lo khai gùi.” Sin-ah m’tu m’tängnák cun phih, ngami-àm piéin ci. A u nawh phih, hlui k’sé cuh, a k’thài-awn kä k’dàm man ci. Cun-ah ci-ung a k’thài cuh, pión lo man ci. A k’phiüm-awn phih kä ng’àwi man ci.
A u nawh phih, ùm k’phiüm ung ca-pit tui k’thài kä than man ci. Cun-ah ci-ung, ca-pit tui k’thài nawh ùm ci pát hleih ca-pit tui phih ng’zaih neh ùm phih dí khai. Ca-pit tui k’thài cuh, ùm k’thài-ung than vai. A cun-ung vah, anini-k’hngih ni khai goi. A k’phiüm áwk neh a u nawh phih a k’thài kä ng’za hlü man ci. A i-ah kia hleih ci-ung, a k’phiüm cuh, ni tu bà ci.
