Pope Leo IV noh Agelus ung a pyein.
Castel Gandolfo ung Kyün K’Hngüp Angelu ung Pope Leo 14 noh kchang tu kcang on täng ca Peter ah hlo ah ami kya tu vai ah ngbûm lo ci gui am m’thein gui ci. Mi m’lung kä ng’hmat neh akya lo yah ung Bä Ca Peter ah hlo ah Jesu am m’lung m’neim neh mi m’thein tu vai ah pyein ci.
Mi yum ah ghinlu lah k’taigü nak ung mi m’lung gui kä ng’kho ng’cha neh akya lo ung Petru ah hlo ah mi m’lung m’yo m’neim neh mi m’thein tu hnging ci.
Jesu noh a i ah a om kya lo gui vai pyein hleih Petru noh kä yum neh a mcäì ah hlo ah KKhânpughi ah lam cuh mi hmat vai ah kä ng’hloi ci.
Bä Ca Petru noh among k’däm k’hngih na m’thein gui ci. Ma kbäih neh a ng’cet yah gui ung Boi on ng’htanak kä nong vai. Mi Boi noh ana ng’shi gui mi hmat nak vai ah Boi am yùm äp neh mi m’thein tu vai ah Boi noh na k’thäh gui ci.
Akhngih nak ung KKhanpughi ah bi kä m’chamlang en neh m’yomneim k’tàigü neh ana m’dáng gui cuh mi mät ah ng’ngaih ah käh kya ung phih m’yo m’neim neh mi k’táigü khai ci ci.
