Bä ca Augustine
Bä ca Augustine cuh Kum (1354) Africa, Tacastei mang-go ah ng’tuiom lo tu ci. Ani ah nu cuh ani ka van Shuh a shan pek tu pang ah phih Khanpughi kä yum tu ca apa awng ng’tuiom lo tu ci.
Augustine cuh kum (17) alo yah ung Cathit mang-go ah hteih neh Manisiyat ci ah Khànpùghü kä yum ca k’cháng gui ong om tu ci. Ani cuh Shetkat nak avan bi neh kä nik ca k’hngumi gui awng om ip neh k’chàng She tumat ah kya lo ci.
Bä ca Augustine cuh Akhokum (29) kum ung Italy shungkho ah hteih neh acun ung ka noh Milan Sayataw ah Kya ca Bä ca Ambrose ah ang’thung’hta gui ng’ya lo tu ci.Khohngüp ät ung Boiyeisu ung ang;thongng’hlak vai ka lo ci. Roma (15:14) ung “ Boi Yesu cu hluihlak ah mi sham ne,mi kyä ah ng’yakhlü gui kä mi k’täih ein ko.” ci ah m’cä ca cuh hlu ah ng’thongng’hlak lo ci.
Kum (1387) ung ani ah khokum (32) goh lo hleih Pachsaca mui ung Bä ca Ambrose ah kuh ung m’shinak Sacramentu lak tu ci. A cun ka noh Khànpùghü kavai ah amät noh amät gän-ap ci. Ani ah aguk ghüt ah Caup tumat ung “ Cä täun neh na nik ca nang khanpughi cuh Tubäh vah kei noh ka ning hmat lo tu ci.” Ci ah guh ci.
Acun ah ang’thongng’hlak lo khon ah Boiphaya tumat ah kya lo neh ta kum (1395) ung Hippo Mang-go ung Sayataw ah ami m’duih. Ani cun anikpi ah Hto sham tumat ah kya lo ci. Hnguhmat nak ung nik ca, hlung ca k’chang, ca guk ca k’chang phih kya lo ci. Ani cuh Boiphaya gui ni, maamah gui noh ami läk khin gui cuh guh ci.
Bä ca Augustine noh “ Kei cuh Sayataw tumat ah ka kya tu lang pang ah phih nangmi awng ät tun eh ka om hlu ah kei cuh pahtak’chang tumat ah nei kya ci, ci ah pyein ci.
Khohngüp ät ung Bä ca Augustine cuh PinletuiNu pe ah lam ahteih ah ung ak’hmohta tumat noh kaokhta pyain neh pinletui gui cuh akutm’ya hta awng la neh a shum ba hti cuh hngu neh ta ak’hmohta am “ ca na ci ,I ah be khai na ngaih neh maa “ ci ah Bä ca Augustine noh ci nak hleih ak’hmohta noh “na mät ah luchoh hta awng shingthumkhànpùghü tumat ah mong na ngaihtuih cuh I ah kä kya hining khai, ci ah m’shang ba neh maik e ci. Acun ung Bä ca Augustine cuh phih cä neh poih shut ci.
Bä ca Augustine ah m’hteim’cä gui, ni nak gui awng k’chàng ak’da cuh Khàpùghü ah monglam hmat lo tu ci gui.
Bä ca Augustine cuh Ahtintow lam ung hnguhmat pi ca Sayataw tumat ah phih kya neh Ahtintaw cuh ani ah khongmang neh ta kum (1430) kumu ng Shih ca kya ci.
