Angelu ung Pope noh: Mi ng’ngaih lam ah kä hläih en hleih Christu lam mi k’hmòng ko” ci ci.

Angelu a k’chî ng’khäh ung Poe Leo 14 noh mi ghinlu lah khomdek cuh Christu on ng’pòngnak a dämtài móòng aktúng ah akya ngah-tüh neh a khngät kä hmat ah lam ung phih ngdüm ngtàng nak om ci ci ci.
Mi ghinlù lah khomdek m’thong m’hlah vai Jesu on ng’pong nak mdäm mtaih neh a khngüp tä akthài ah pyan vai ciah Kyün K’hngüp ,August 23, Bä Ca Peter Ng’dühngün ung Pope Leo 14 noh pyein ci.
”Mi ng’ngaih lam bäng lah pahta ng’shíng nak lam bäng kä shui en neh Boi Jesu akcàng ah ngpongnak khmon vai ah khóngling kpeng ung kchàng k’hlí am pyein ci.Akni pi ah bü nak ah kya tu lang pang hleih phih avan ah yum mi ng’yak mi gah tu düt on Christuan yumnak cuh ashängshäng mi bùi shàn ci ciah pyein ci.
Boi Jesu on mi mät noh mi mät akthài ah ngpyangngtham neh ngphèi ng’et lo pihti neh Jesu ah chü m’shang vai ah na chü gui ci.
Mi hmat k’bät ah tóktap nak gui mi hlùn yah ung Jesu noh a hluläk gui am kei cuh u ang ciah Jesu noh a ngshî cuh Mateiu ah Kyün K’hngüp ng’thukni ung kah Pope Leo 14 noh ngah-tüh ci.
Aktoi ah pyein ung a khngüp tä mi ghinlu ung cá hngün om mòòng ung aktung gui bi ciah akbä tumat ah ngdáng neh kä cung Pa Kkhanpughi ah m’hngi nak ung na khahpüi gui ca Kkhanpughi ah Christu noh mi ghinnak ah khomdek lah mi ghinlu na m’thong m’hlat gui khai ciah Pope noh pyein ci.