Bä ca Bernard

Bä ca Bernard cuh Kum (1090), Fontaine-les-dijion ung ng’buhng’mang k’chàng gui ung ah ng’tuiom lo ci. Ani cuh aphäi nau gui k’chàng (5) lo neh abehtà (1) om ci.

 Bä ca Bernard kä ng’tui pha ung Pahtalam ung Bä ca,nih ca k’chàng tumat thawi lo khai ci ah k’chüm’cä om mang ci. Bernard cuh Ca uk gui phat neh ani ah k’hnguhmat nak ahlüngtai vai k’thamak ci.

 Kum (1107) ung ani ah aNu cuh shih ci. Anu a shih kon ah Bernard cuh Boìphaya ah kyat u hlui hleih akhok’chàng gui noh kä Yum ci gui. Cun phih Bernard ung Khànpùghü ah monglam thähla pyeinhlak hlui ah m’lung cuh om lä hleih Kum (1112) ung Cistercians ci ah Yahteihng’htawi ung lut tu neh amät ah imkyongkhui ung Khâpughü nibänak cuh thähla lo ci.

Cun ah kya lo neh Bernard noh amät ah Aphä naa gui lah aPa cuh aom nak ah Yahteing’htawi ung aluh tu hlak gui. ABetha cuh phih Maamah ah akya tu hlak.

Bernard cuh Pahtalam ani ah m’theim’cä thei hlui ah lah Boi ah monglam anih ah guhthein thei hlui ah ani ah lamk’thai,lam ni gui cuh Boiphaya gui noh ani ah ng’thei lo tu ci.

Bä  ca Bernard ah Boi ah phäh Dudongk’chàng via hlui ah aom nak hlu ah alu ah nat nak, akhong ah nat ank, ashi ah keng nak lah ashi kai hleih anaa nak gui ung akyähla cuh yai lo ci.

 Ani cuh shihla ah toktap nak cun phih khonget noh bi nak ci. A cun phih cun ah khonget cuh Bä ca Bernard noh m’chüthinging ci.

Ani ah akhokum (63) kä bè pha hta hleih shih ci. Bä ca Bernard ashih ah ung ngami ah Yahteihcong gui cuh (70) pum lo pyei ci ah kya ci.