India ung Christian gui pha gui ci gui.
Protestant Christian gui, hngumi k’pli lah pami k’hngih, cuh ami im ah ami k’taigü yah ung ami pha gui a kya ci. Ngami gui cuh im tumat ung ng’bum neh k’taigü yah ung ami pha gui a kya ci. A he yum nak ung om ci gui ami yum tu vai ah pyein hlak gui ci ci neh August k’cha 16 nak ung ami pha gui a kya ci. August 21 nak ung hngumi gui cuh Juridial custody ah ap gui neh k’pami gu lei cuh Police on m’ap ci gui a kya ci.
Asit Murmu noh, ” Kyün k’hngüp khongoi ung kami ng’bum neh kami k’taigü ci. Im kyawngkhui ung a gai lo tu ba helih khanpughi shüm hmat neh kami k’taigü yah ung vah lut lo neh ami na pha gui ci” neh pyein ci.
A cun a ami lut shi gui yah ung om tu ci gui k’taigü tu ci gui bäng a kä kya hleih ami pha gui cun phih om ci. Cun a kya helih a ng’vai gui noh k’chügein nak on ami a teng tu gui vai kami ng’yak hlü ci ci neh pyein ci gui. Avan ami pha gui cuh 16 lo neh k’pami k’phli lo ci. Christian ami pha gui cuh a ng’vai gui noh kä mi pyein ung kä bä khai ci neh pyein ci gui.
