Papashangpughang;Hlò-kyàn ng’tuk ng’ahnak ung mi ng’veing laih laih nong neh ngshängbang nak ka vai ah mi thà khai.

Papashangpughang;Hlò-kyàn nguk ng’ahnak ung mi ngveing laih laih nong neh ngshängbang nak ka vai ah mi thà khai.
Angelu ktàigü ngpyi chütah Pope Leo 14 noh Sudan,Ukraine,Russiaung ngtuk ng’ah hlò-kyannak ah mòòng pyein ci.Hlò-kyan ci gui ami ngthong nghlah vai lah kchàng k’hlí acun gui mdüm vai chü gui ci.Kkhanoughi noh acun ung yai ci gui a mhtei gui vai phäh ah ktàigü vai ah avan kthäh ci.Ng’tuk ng’ah hló-kyannak bi ci gui ami ngthong nghlah vai lah dìmkyäp nak gìngkyo ci gui ka vai ah mi ktaigü khai ci ci.Kchang käp 14 phlän ci cuh Sudan khò pum yat hleih kum kthum ung coi gha ci gui.Ukraine lah Russia ung kat kä om ca khli ah hngùn a maih cun phih na mhteih hlak gui ci.Acun ung ami ploh kheih gui lah leim bai yaica ca kkyòngkhui gui on atäng ah ka om ci ciah Pope noh pyein ci.A dängdäih ah om ca ngtuk ng’ah gui ah nglung ah ngtuknak mdüm neh ghunkho päng gung htotnak peit vai gui cuh akthai ah bi vai pyein ci.
“Ngtuknak noh kchün lo pihti ca yaica nak pyang ci”Tuh kbäih cuh ngtuknak mdüm neh ngshä vai khin lo ci ci ci.
Akhmo ktho gui am bä ca kchàng gui ami theibang vai pyein ci.Bä ca Dominic,Kurusu ah Bä ca Teresa Benedicts,Bä ca Assisi ah ka Clare gui ami thêibang vai pyein ci.Pope noh khmo ktho gui am ngthu kthéing ung om ci gui läk neh mdáng vä ci ci.