Cãnaan k’hngumi nú-ah zùmnák.

Báwi Jesu cuh, a cun-ah khàw ung-kah, ng’düí lo bà neh Tyre lah Sidon-zah zung-ah a hteih zah ung A cun-ah khaw k’om Cãnaan k’hngumí nú tumat lo neh David-ah htá Báwi aw, kei, nak’chü k’hngà-ä. Ka htá hngumi htá khaw-’nget  nawh a k’tü-ah omnák ci,” ci neh piéin hleih m’kha ät-a phih kä m’sàng ci. A-hlu-läk gùi, a pèi-ah hteit u neh “sin-ah k’hngumí nawh a san pe hlah-ä, na läk gùi neh k’pam m’cai ci néi, ci neh m’thein ci gùi. Ani nawh m’sàng lo neh Isarael pa-khúi ung-kah, maih ci-ah Htòme gùi kavai bäng-a vah na tüì lo ci” ci ci. Cun ung phih, cun-ah k’hngu-mí nú nawh k’et lo púi neh a mà-ah m’khúk-dàwng neh “Báwi aw, na gung-ä,” a ci bà. Ani nawh m’sàng tu bà neh “k’hmó gùi-ah èi lák peneh Ui htá gùi àm kä ghoh-èi phia ci,” ci ci. K’Hngumí nú nawh “Báwi aw, a cun te vah, cun-ung phih Ui cun nawh a mät-ah mah-ah ei k’phià ung-kah ng’zaih ci cun-tah èi tu man ci-ah mo,” ci neh m’sàng bà ci. Jesu nawh m’sàng lo bà mä-neh “k’hngumi nú aw na zùm äp cuh, däm-èi ’kung ci, na ng’zák hlü-ah kia hlä” ci ci. A htá k’hngumí phih, a cu vai àm gái bà ci.